پیرس میں ایک حیرت انگیز اور مضحکہ خیز واقعہ پیش آیا جب سیر و تفریح پر جانے والا ایک شخص گیس اسٹیشن پر اپنی اہلیہ کو بھول کر کئی کلومیٹر دور پہنچ گیا۔
آدیٹی سینٹرل کی رپورٹ کے مطابق 5 جولائی کو ایک حیران کن واقعہ اس وقت پیش آیا جب پیرس سے تعلق رکھنے والا ایک شخص اپنی بیوی اور بیٹی کے ساتھ گاڑی میں چھٹیاں گزارنے کے لیے مراکش روانہ ہوا۔ راستے میں انہوں نے کئی پٹرول پمپس پر رُک کر آرام کیا، لیکن ان میں سے ایک وقفے کے دوران ایسا واقعہ پیش آیا جس نے سب کو حیران کر دیا۔
رپورٹ کے مطابق صبح تقریباً 4:30 بجے، ایک پٹرول پمپ پر وقفے کے بعد وہ شخص گاڑی لے کر روانہ ہو گیا، یہ جانے بغیر کہ اس کی بیوی اب بھی پٹرول پمپ پر موجود ہے۔
22 سالوں سے میک اپ نہ ہٹانے کا دعویٰ کرنیوالی خاتون کے چہرے میں عجیب تبدیلی
تقریباً 300 کلومیٹر (186 میل) کا فاصلہ طے کرنے کے بعد اسے احساس ہوا کہ گاڑی میں بیوی ساتھ نہیں ہے جس کے بعد شوہر نے فوری طور پر ایمرجنسی سروسز کو فون کیا اور مدد مانگی۔
حکام کے مطابق، فون کال انتہائی عجیب و غریب نوعیت کی تھی، کیونکہ نہ صرف اسے یہ وضاحت دینا پڑی کہ وہ اپنی بیوی کو پٹرول پمپ پر کیسے بھول گیا، بلکہ اسے یہ بھی ٹھیک سے یاد نہیں تھا کہ وہ کس پٹرول پمپ پر رُکے تھے۔
کیا آپ نے ’نیلی چائے‘ پی ہے؟ جانیے اس خوبصورت چائے کے حیرت انگیز فوائد
اس واقعے نے سوشل میڈیا پر بھی توجہ حاصل کی، جہاں صارفین نے حیرانی، مزاح اور ہمدردی کا اظہار کیا۔ واقعے کے بعد حکام نے خاتون کو محفوظ حالت میں تلاش کر لیا۔