کراچی کے علاقے کھوکھرا پار میں گلی سے پھندا لگی لڑکی کی لاش ملی ہے، مقتولہ کی شناخت اریبہ کے نام سے ہوئی۔ واقعہ کھوکھراپار کے علاقے میں پیش آیا ہے، پولیس نے قریب ہی زیر تعمیر عمارت سے 4 افراد کو حراست میں لے لیا ہے۔
پولیس حکام کے مطابق اریبہ کو گلا گھونٹ کر قتل کیا گیا اور بعد ازاں لاش کو پھندا لگا کر گلی میں پھینکا گیا ہے۔
ڈیفنس کراچی میں بنگلے سے 16 سالہ ملازمہ کی لاش برآمد
مقتولہ کے والد نے بتایا کہ اریبہ دو بہن بھائیوں میں بڑی تھی، وہ کھانا دے کر گھر سے باہر گئی تھی اور اچانک لاپتہ ہوگئی، کچھ دیر بعد پڑوسیوں نے گھر کے دروازے پر دستک دی تو لاش دیکھ کر علاقے میں خوف و ہراس پھیل گیا۔
کراچی: فائرنگ سے زخمی لڑکی دم توڑ گئی، موت سے قبل لڑکی نے ویڈیو بنائی
پولیس نے جائے وقوعہ سے شواہد جمع کر کے تحقیقات کا آغاز کر دیا ہے۔ ساتھ ہی نزدیکی زیر تعمیر عمارت سے چار مشتبہ افراد کو حراست میں لے کر تھانے منتقل کر لیا گیا ہے۔
تفتیشی عمل مختلف زاویوں سے جاری ہے تاکہ قاتلوں کو جلد از جلد قانون کے کٹہرے میں لایا جا سکے۔