وزیراطلاعات عطا تارڑ کا کہنا ہے کہ عدالت میں اپنا مؤقف پیش کیا ہے، عدالتی کارروائی قانون کے مطابق چلتی ہے، غیرذمہ دارانہ بیانات دے کر قومی ایئر لائن کو نقصان پہنچایا گیا، برطانیہ اور یورپ کی پروازوں سے پی آئی اے کو اربوں روپےکا منافع ہوگا۔ انھوں نے یہ بھی کہا کہ خیبرپختونخوا میں کرپشن اور بدانتظامی عروج پر ہے، خیبرپختونخوا میں نا اہلی کی انتہا ہے۔
وزیر اطلاعات عطا تارڑ نے اسلام آباد ہائیکورٹ کے باہر میڈیا سے گفتگو کرتے ہوئے کہا کہ عدالت میں اپنا مؤقف پیش کیا ہے اور عدالتی کارروائی قانون کے مطابق جاری ہے۔ انہوں نے کہا کہ غیر ذمہ دارانہ بیانات دے کر قومی ایئرلائن کو نقصان پہنچایا گیا، جبکہ حکومتی کوششوں سے اب پی آئی اے کی بحالی کا آغاز ہو چکا ہے۔
عطا تارڑ نے برطانیہ اور یورپ کے لیے پی آئی اے کی پروازوں کی بحالی کو خوش آئند قرار دیتے ہوئے کہا کہ ان پروازوں سے قومی ایئرلائن کو اربوں روپے کا منافع ہوگا۔
خیبرپختونخوا حکومت پر تنقید کرتے ہوئے انہوں نے کہا کہ وہاں کرپشن اور بدانتظامی عروج پر ہے، اور نا اہلی کی انتہا ہو چکی ہے۔
شالیمار ریکارڈنگ اینڈ براڈکاسٹنگ کمپنی کے حوالے سے بات کرتے ہوئے عطا تارڑ نے عدالت سے درخواست کی کہ کمپنی کو بند نہ کیا جائے کیونکہ اس سے کئی ملازمین کے روزگار کا مسئلہ جڑا ہے۔
انہوں نے میڈیا کو بتایا کہ کمپنی کی بحالی کے لیے بزنس پلان تیار کیا جا رہا ہے، جو عدالت میں پیش کیا۔جائے گا۔