آج نیوز کے پروگرام ٹارگٹ نے ایک اور ایکشن لیتے ہوئے قومی رضا کاروں کی رشوت اور شہریوں کو ہراساں کرنا بے نقاب کر دیا۔
آج نیوز کے انویسٹیگیٹو پروگرام ”ٹارگٹ“ نے ایک اور بڑا ایکشن لیتے ہوئے پروگرام میں انکشاف کیا کہ پولیس کے قومی رضاکار شہریوں کو ہراساں کر کے ان سے رشوت وصول کر رہے ہیں۔
اینکر سید شہریارعاصم عرف شیری نے اپنے پروگرام میں ویڈیوز اور شواہد کے ساتھ دکھایا کہ یہ رضا کار سادہ شہریوں کو روک کر غیرقانونی طور پر رقم اینٹھ رہے تھے۔
انکشافات سامنے آنے کے بعد سندھ پولیس نے فوری ایکشن لیتے ہوئے ملوث قومی رضاکاروں کی خدمات منسوخ کر دیں اور تحقیقات کا آغاز بھی کر دیا۔
پروگرام میں رضاکاروں کو لوگوں سے رقم لیتے ہوئے دکھایا گیا تھا۔ عوامی حلقوں نے آج نیوز کی ٹیم اور پروگرام ”ٹارگٹ“ کی کاوش کو سراہا ہے۔