بنگلور کی ایک خاتون کا انوکھا اپارٹمنٹ کرائے پر دینے کا اشتہار اپنی مزاحیہ اور صاف گوئی پر مبنی شرائط کی وجہ سے سوشل میڈیا پر وائرل ہو رہا ہے۔
اس پوسٹ میں خاتون نے اپنا نام شیوانی بتایا اورلکھا کہ وہ اپنے ”بالکل پسندیدہ مقام“ سے نکل رہی ہیں اور چاہتی ہیں کہ کوئی خاتون کرایہ دار ان کے ماسٹر بیڈروم میں رہائش اختیار کرے۔ یہ فلیٹ ایمبیسی گولف لنکس (EGL) کے علاقے کے قریب واقع ہے، اور کام کرنے والوں کے لیے بہترین جگہ ہے۔
بچھڑ کے بھی نہ ٹوٹے رشتے: گوریلاؤں کی جذباتی دنیا کا راز، تحقیق میں حیران کن انکشاف
پراپرٹی کی تفصیلات بتاتے ہوئے لکھا کہ کرایہ 18,300 روپے ہے، قابل واپسی ڈپازٹ 38,000 روپے، اور ایک مرتبہ سیٹ اپ چارجز 22,000 روپے ہیں۔ فلیٹ مکمل طور پر فرنشڈ ہے، اسٹوریج کی کافی جگہ موجود ہے، بلند سطح پر واقع ہے اور ہوا دار بھی ہے۔
فلیٹ کی تفصیلات کے علاوہ، شیوانی نے ایک خاص شرط بھی دی جو سب کی توجہ کا مرکز بنی۔
حسن بڑھانے کی کوشش میں بیوٹی ہیک مہنگا پڑ گیا، ماڈل کا چہرہ جھلس گیا
”صرف خواتین، سگریٹ نوش ہو سکتی ہیں، غیر سبزی خور ہو سکتی ہیں، شیطان کی عبادت کرنے والی بھی ہو سکتی ہیں۔ سب قبول ہیں بس بے رحمی اور بے مہری نہیں چلے گی ۔“
پوسٹس میں شیوانی نے فلیٹ کی خوبصورتی اور ماحول کا تفصیلی ذکر کیا، ساتھ ہی بتایا کہ وہاں دو دوستانہ کتے اور ایک بلی بھی رہتی ہے۔
انہوں نے لکھا، ”میں نے اس گھر میں اپنی زندگی کا بہترین وقت گزارا۔ دو ایسے افراد سے ملی جو فلیٹ میٹس سے دوست بن گئے۔ میرے پاس یہاں بہت سی خوبصورت یادیں ہیں، اور میں واقعی امید کرتی ہوں کہ جو بھی یہاں آئے گا، اسے یہ جگہ میری طرح پسند آئے گی۔“
بعد میں شیوانی نے بتایا کہ متعدد افراد نے دلچسپی ظاہر کی ہے۔ وہ آٹھ اگست کو فلیٹ دکھائیں گی اور اپنی تلاش عارضی طور پر روک دیں گی۔ اگر کوئی مناسب کرایہ دار نہ ملا تو وہ 19 اگست سے دوبارہ تلاش شروع کریں گی۔ نئے کرایہ دار کو یکم ستمبر تک منتقل ہونا ہوگا۔
یہ انوکھی اور مزاحیہ شرط سوشل میڈیا پر خاصی پسند کی گئی، کیونکہ اس میں سگریٹ نوش اور شیطان پرستوں کو بھی قبول کیا گیا مگر ساتھ ہی بنیادی انسانی اچھائی پر سختی سے زور دیا گیا۔