ٹرمپ کی مہمان نوازی، پیوٹن کے سامنے امریکی طاقت کا مظاہرہ، ویڈیو وائرل

امریکا میں صدر ڈونلڈ ٹرمپ کی مہمان نوازی کا انداز خاص رہا جب روسی صدر ولادیمیر پیوٹن کی امریکا آمد پر طاقت کا مظاہرہ کیا گیا۔ سرخ قالین پر چلتے ہوئے پیوٹن کے سر پر جدید ترین بی-2 اسٹیلتھ طیاروں نے پرواز کی، جس نے روسی صدر کو چونکا دیا۔ پیوٹن طیاروں کو دیکھے بنا رہ نہ سکے، اور اس منظر کی ویڈیو فوراً وائرل ہوگئی، جس میں امریکی طاقت کا بھرپور اظہار نظرآیا۔

22 سیکنڈ کی وائرل ویڈیو میں دیکھا جا سکتا ہے کہ الاسکا میں صدر ڈونلڈ ٹرمپ اور روسی صدر ولادیمیر پیوٹن، ریڈ کارپٹ پر چل رہے تھے کہ اچانک بمبار طیارہ اوپر سے گزر گیا، جس پر پوٹن نے آسمان کی طرف دیکھا۔

اس مظاہرے کو امریکی فوجی طاقت کا واضح پیغام قرار دیا جا رہا ہے، خصوصاً ایسے وقت میں جب یوکرین جنگ پر دونوں رہنماؤں کی اہم ملاقات جاری تھی۔

الاسکا ایئر بیس پر صدر ڈونلڈ ٹرمپ نے روسی صدر ولادیمیر پیوٹن کے استقبال کے لیے ریڈ کارپٹ بچھایا۔ سوشل میڈیا پر وائرل تصویر میں امریکی فوجی گھٹنوں کے بل بیٹھے کارپٹ سیدھا کرتے دکھائی دیے۔

یوکرینی عہدیدار مصطفی نایئم نے طنزیہ تبصرہ کیا, ’Make kneeling great again.‘ (“ گھٹنے ٹیکنا عظیم بناؤ۔“)