پی ٹی آئی کے صوبائی صدر جنید اکبر خان کی قیادت میں پی ٹی آئی کے وفد نے وفاقی وزیر امیر مقام سے ان کی رہائش گاہ میں ملاقات کی، وفد میں اراکین قومی اسمبلی شیر علی ارباب، علی خان جدون اور ڈاکٹر امجد، کبیر خان، ادریس خٹک، لائق خان، اکرام کھٹانہ بھی شامل تھے۔
جنید اکبر نے ملاقات کے دوران کہا کہ ماضی کی طرح مل کر فیصلے کرنے کی امید پر آئے ہیں، جن مسائل سے گزر رہے ہیں اس سے ملک کر مقابلہ کرنا ہے۔
انہوں نے کہا کہ اسمبلی میں واضح اکثریت پاکستان تحریک انصاف کو حاصل ہے، موجودہ حالات میں خیبرپختونخوا مزید مشکلات اور سیاسی عدم استحکام کا متحمل نہیں ہوسکتا۔
صوبائی صدر پی ٹی آئی نے کہا کہ سہیل آفریدی کو بلامقابلہ وزیراعلی منتخب کرنا چاہتے ہیں۔
وفاقی وزیر امیر مقام نے پی ٹی آئی کے وفد کو کہا کہ صوبے کی روایات کے مطابق اپوزیشن کی دیگر جماعتوں سے بات کریں گے اور مرکزی قیادت سے مشاورت کے بعد آگاہ کردیں گے۔