گزشتہ روز پریس کانفرنس میں ایک سوال کے جواب میں تابش ہاشمی نے کچھ عرصہ قبل اپنے شو میں میئر کراچی سے کیے گئے تند و تیز سوالات پر وضاحت پیش کرتے ہوئے کہا کہ کراچی سے محبت ہے اس لیے جذبات نکل آئے۔
تابش ہاشمی نے کہا کہ کراچی کے حالات 35 سال سے خراب ہیں، مرتضیٰ وہاب ایک سال پہلے آئے ہیں، سارا الزام ان پر بھی نہیں ڈالا جاسکتا۔
انہوں نے مزید کہا کہ برائیاں ضرور ہیں لیکن میئر کراچی نے اپنی سیاسی جماعت کی بہترین نمائندگی کی، اتنا کریڈٹ تو ان کو دینا چاہیے۔
تابش ہاشمی نے کہا کہ میں کسی کے لیے جھوٹ بولنے جیسے سخت لفظ استعمال نہیں کرتا، وہ میرے مہمان تھے۔
TV host Tabish Hashmi expressed his love for Karachi, saying his emotions came out while hosting a program with the city’s Mayor, Murtaza Wahab. #TOKReports #TabishHashmi #MurtazaWahab pic.twitter.com/cPvxPyX2GJ
— Times of Karachi (@TOKCityOfLights) November 22, 2025
واضح رہے کہ کچھ عرصہ قبل تابش ہاشمی نے اپنے شو میں میئر کراچی سے شہر کی حالت زار پر تند و تیز سوالات کیے تھے جس کی ویڈیوز سوشل میڈیا پر خوب وائرل ہوئی تھیں۔