اورنگی ٹاؤن سیکٹر 16 گلشن بہار میں نامعلوم افراد کی فائرنگ سے پولیس اہلکار زخمی ہوگیا۔
تفصیلات کے مطابق واقعہ تھانہ پاکستان بازار کی حدود غوثیہ چوک کے قریب پیش آیا۔ ایدھی حکام کے مطابق نامعلوم افراد کی فائرنگ سے پولیس اہلکار زخمی ہوا۔ جس کو ایدھی ایمبولینس کے ذریعے عباسی شہید ہسپتال منتقل کردیا گیا جہاں زخمی اہلکار کی شناخت عبدل زکی کے نام سے کرلی گئی ۔۔
پولیس کے مطابق واقعے کے حوالے سے تفتیش کی جارہی ہے، فائرنگ کے واقعے کے وقت پولیس اہلکار سادہ کپڑوں میں ملبوس تھا۔