بھارت کا ہرن بھٹکتا ہوا پاکستان میں داخل، محکمہ وائلڈ لائف نے کیا کیا؟
محکمہ وائلڈ لائف کے مطابق سرحد پار بھارت سے بھٹک کر پاکستانی حدود میں داخل ہونے والے ایک مادہ ہرن کو تحویل میں لینے کے بعد واپس بھارتی سرحدی جنگل کی طرف آزاد کر دیا گیا ہے۔
وائلڈ لائف حکام کے مطابق یہ مادہ ہرن نارووال کے علاقے شکرگڑھ کے سرحدی علاقے بکروال سے پاکستانی حدود میں داخل ہوا تھا، جسے متعلقہ حکام نے تحویل میں لے لیا۔
حکام نے بتایا کہ تحویل میں لیے جانے کے بعد اس مادہ ہرن کو حساس اداروں کی موجودگی میں پوسٹ احمد یار کے مقام سے واپس بھارتی سرحدی جنگل کی طرف چھوڑ دیا گیا، تاکہ وہ اپنے قدرتی ماحول میں واپس جا سکے۔
سرحدی پٹی پر جنگلی حیات کی نقل و حرکت کے دوران جانوروں کے بھٹک کر دوسری جانب چلے جانے کے واقعات میں متعلقہ محکمے اور سیکیورٹی ادارے محفوظ طریقے سے ان کی واپسی کو یقینی بناتے ہیں۔
اسی لیے اس واقعے میں بھی ہرن کو سرحدی جنگل کی جانب آزاد کر دیا گیا۔