ویرات کوہلی کا مغرور رویہ، ننھا مداح زار و قطار رو پڑا

بھارتی کرکٹ اسٹار ویرات کوہلی کے ایک کمسن مداح کو اس وقت شدید مایوسی کا سامنا کرنا پڑا جب وہ اپنے پسندیدہ کھلاڑی سے آٹوگراف لینے میں ناکام رہا۔

سوشل میڈیا پر وائرل ویڈیو میں دیکھا جا سکتا ہے کہ بچہ کئی بار کوہلی کے قریب جانے کی کوشش کرتا ہے مگر سیکیورٹی اہلکار اسے روک دیتے ہیں۔

بچہ کوہلی کو آواز بھی لگاتا ہے لیکن وہ سنی ان سنی کرتے ہوئے آگے بڑھ جاتے ہیں۔ کرکٹر کی توجہ حاصل نہ کر پانے پر بچہ آخرکار مایوس ہو کر واپس لوٹ جاتا ہے۔

اس دوران وہ جذبات پر قابو نہ رکھتے ہوئے آبدیدہ ہو جاتا ہے اور غصے میں اپنا بیٹ زمین پر پھینک دیتا ہے۔

Virat Kohli Little fan broke down 😭💔

Virat kohli ignored this little fan who was waiting to get his autograph 😭

Wait for that child frustration 😭💔 pic.twitter.com/BszA4JX5NW
— Jeet (@JeetN25) April 27, 2026

مایوس بچے کے رونے کی اس ویڈیو نے سوشل میڈیا صارفین کو بھی افسردہ کر دیا ہے۔

رپورٹس کے مطابق اس ویڈیو کے وقت کی تصدیق نہیں ہو سکی، تاہم رائل چیلنجرز بینگلور کے کھلاڑی کوہلی پیر کی رات دہلی میں موجود تھے۔