منفی پروپیگنڈے میں ملوث پی ٹی آئی کے 25 افراد کو جے آئی ٹی کے سامنے کل دوبارہ طلب کر لیا گیا، پی ٹی آئی کے بیرسٹر گوہر رؤف حسن اور شاہ فرمان جے آئی ٹی کے سامنے پیش ہوئے تھے۔
سوشل میڈیا پر منفی پروپیگنڈے میں ملوث پی ٹی آئی کے 25 افراد جے آئی ٹی کے سامنے کل دوبارہ طلب کر لیے گئے ہیں۔ جے آئی ٹی نے پی ٹی آئی کے 25 افراد کو طلب کیا تھا۔
پی ٹی آئی کے بیرسٹر گوہر، رؤف حسن اور شاہ فرمان جے آئی ٹی کے سامنے پیش ہوئے تھے۔ جے آئی ٹی نے پی ٹی آئی کے رہنماؤں سے پانچ گھنٹے تفتیش کی تھی۔
ذرائع کے مطابق شاہ فرمان نے جے آئی ٹی کے سامنے نامناسب رویہ اختیار کیا تھا۔ جے آئی ٹی نے شاہ فرمان سے کچھ اضافی اور سخت سوالات بھی کئے۔
سوشل میڈیا پر منفی پروپیگنڈا: گوہرعلی، سلمان اکرم راجہ، رؤف حسن سمیت 15 افراد طلب
پی ٹی آئی رہنماؤں اور سوشل میڈیا ٹیم کو کل کو دوبارہ جےآئی ٹی نے طلب کیا ہے۔
جے آئی ٹی میں طلب کئے جانے والوں میں سلمان اکرم راجا، رؤف حسن، فردوس شمیم نقوی، محمد خالد خورشید، میاں محمد اسلم اقبال، محمد حماد رضا کے نام شامل ہیں۔
طلبی نوٹس وصول کرنے والوں میں عون عباس، عالیہ حمزہ ملک، محمد شہباز شبیر، وقاص اکرم، کنول شوذب، تیمور سلیم خان اور اسد قیصر، شاہ فرمان، آصف رشید، محمد ارشد، صبغت اللہ ورک، اظہر مشوانی، محمد نعمان افضل بھی شامل ہیں۔
جبران الیاس، سلمان رضا، ذلفی بخاری، موسیٰ ورک اور علی ملک کو بھی طلبی کا نوٹس جاری کیا گیا ہے۔ جے آئی ٹی ان تمام افراد سے شواہد کی روشنی میں تحقیقات کر رہی ہے۔
جے آئی ٹی الیکٹرانک جرائم کی روک تھام ایکٹ 2016 کے سیکشن 30 کے تحت تشکیل دی گئی تھی۔ جو انسپکٹر جنرل آف پولیس اسلام آباد کی سربراہی میں تحقیقات کر رہی ہے۔
نوٹسز میں ان تمام افراد کو متنبہ کیا گیا ہے کہ اس معاملے پر اپنی پوزیشن کی وضاحت کریں۔