پاکستانی اداکارہ بشریٰ انصاری نے گزشتہ ماہ پہلگام دہشت گردانہ حملے کے بعد پاکستان پر تنقید کرنے کے بعد نغمہ نگار جاوید اختر کو تنقید کا نشانہ بنایا ہے۔
بشریٰ نے اپنے بیرون ملک سفر کے دوران کہا کہ جاوید کو اس معاملے پر بات کرنا چھوڑ دینا چاہیے۔ جاویداخترکے بارے میں بات کرتے ہوئے، انہوں نے مزید کہا کہ ”مرنے میں آپ کے دو گھنٹے گئے ہیں (آپ کی زندگی میں کم وقت ہے)“۔
نواں آیا ایں سونڑیاں، مودی کو پاک فوج کی طاقت کا اندازہ نہیں، مصطفٰی قریشی
جاوید اخترپر تنقید کرتے ہوئے بشریٰ نے ان کا نام لیے بغیر کہا، ”ہمارے لکھنے والے نام نہاد، انکو تو بہانہ ہی چاہیے تھا، دراصل انکو تو مکاں کرائے پر نہیں ملتا تھا بمبئی میں۔ اپنا وجود کے لیے جتنا چاہے وہ (اشاروں میں بولنا) کر سکتا ہے… کوئی حیا کرے، مرنے میں آپ کے دو گھنٹے رہے ہیں، اوپر سے آپ اتنی فضول باتیں کر رہے ہیں۔“
انہوں نے کہا کہ جاوید کو تجربہ کار اداکار نصیرالدین شاہ کی طرح خاموش رہنا چاہیے۔ ”اتنا بھی کیا کوئی ہمت، اتنی لالچ کرے؟ چلو جی چپ کر جائیں آپ۔ نصیرالدین شاہ بھی تو ہیں، وہ چپ بیٹھے ہیں نا؟ اور بھی تو چپ بیٹھے ہیں نا؟ جس کے دل میں جو ہے وہ رکھے، یہ تو پتہ نہیں کیا کہہ رہے ہیں۔“
پاک بھارت کشیدگی: عروہ کا نام لئے بنا ہانیہ عامر پر طنز
بشریٰ نے کہا کہ ان کی ملاقات چند ہندوستانی لڑکیوں سے ہوئی جنہوں نے ان سے پیار سے بات کی۔ انہوں نے مزید کہا کہ ہندوستان میں لوگ برے نہیں ہیں، لیکن انہیں ”اکسایا“ جا رہا ہے۔
حال ہی میں، جاوید نے مرکزی حکومت پر زور دیا کہ وہ پہلگام حملے سے ان کے مبینہ تعلق کے لیے پاکستان کے خلاف سخت کارروائی کرے۔
جاوید کو شاندار مہاراشٹر فیسٹیول کے افتتاح کے لیے مدعو کیا گیا تھا۔ ہجوم سے خطاب کرتے ہوئے، انہوں نے کہا تھا، جیسا کہ خبر رساں ایجنسی اے این آئی کے حوالے سے کہا گیا ہے، ”یہ صرف ایک بار نہیں بلکہ کئی بار ہوا ہے۔ میری درخواست ہے کہ مرکزی حکومت فوری قدم اٹھائے۔ سرحد پر چند پٹاخے کام نہیں کریں گے۔ ابھی کوئی ٹھوس قدم اٹھائیں، کچھ ایسا کریں کہ وہاں کے پاگل آرمی چیف (پاکستان)، کوئی بھی باشعور شخص ایسی تقریر نہ کر سکے جس طرح وہ کرتے ہیں۔“
یادرہے کہ 22 اپریل کو جموں و کشمیر کے پہلگام میں دہشت گردانہ حملے میں 26 لوگ مارے گئے تھے۔ جس کا سارا الزام بھارتی حکومت نے بغیر کسی ثبوت کے پاکستان پرڈال دیا ہے۔