’ ویٹی کن کی روس یوکرین مذاکرات کی میزبانی میں دلچسپی’: پیوٹن سے گفتگو مثبت رہی، ٹرمپ

امریکی صدر ڈونلڈ ٹرمپ نے انکشاف کیا ہے کہ روسی صدر ولادیمیر پیوٹن سے ان کی گفتگو ”بہت مثبت“ رہی ہے اور روس یوکرین جنگ بندی کے مذاکرات جلد شروع ہونے جا رہے ہیں۔ واشنگٹن میں میڈیا سے گفتگو کرتے ہوئے ٹرمپ نے بتایا کہ فریقین کے درمیان جنگ بندی کی شرائط باہمی مشاورت سے طے کی جائیں گی۔

ٹرمپ نے کہا کہ روس جنگ کے خاتمے کے بعد امریکا سے تجارتی تعلقات بحال کرنے میں دلچسپی رکھتا ہے، جو اس پیش رفت کو مزید تقویت دیتا ہے۔ ان کے مطابق ویٹی کن سٹی نے ان مذاکرات کی میزبانی میں دلچسپی ظاہر کی ہے، جس سے جنگ کے خاتمے کی کوششوں کو ایک نیا عالمی اخلاقی پہلو بھی حاصل ہو سکتا ہے۔

سابق امریکی صدر جوبائیڈن کینسر میں مبتلا، مرض آخری اسٹیج پر پہنچ گیا

سابق صدر کا کہنا تھا کہ اس اہم پیش رفت سے جرمنی، فرانس، اٹلی اور فن لینڈ کو بھی آگاہ کر دیا گیا ہے تاکہ یورپی ممالک اس ممکنہ امن عمل کا حصہ بن سکیں۔

چین کا ’ڈرون کیریئر‘ جو اپنے اندر 100 خودکش ڈرونز لیجانے کی صلاحیت رکھتا ہے

واضح رہے کہ روس یوکرین جنگ کو دو سال سے زائد عرصہ ہو چکا ہے اور اب تک لاکھوں افراد اس کے اثرات کی لپیٹ میں آ چکے ہیں۔ عالمی سطح پر ان مذاکرات کو جنگ کے خاتمے کی طرف ایک ممکنہ اہم قدم قرار دیا جا رہا ہے، اگرچہ کسی حتمی معاہدے تک پہنچنے کے لیے کئی پیچیدہ مراحل طے کرنا باقی ہیں۔