باجوڑ اور بنوں میں فتنہ الخوارج کے حملے ناکام، دہشت گرد فرار

0 minutes, 0 seconds Read

خیبر پختونخوا کے اضلاع باجوڑ اور بنوں میں گزشتہ رات فتنۂ الخوارج کے دہشت گردوں نے دو پولیس اسٹیشنز پر حملے کیے، جنہیں سیکیورٹی فورسز نے بروقت کارروائی کرتے ہوئے ناکام بنا دیا۔

آئی جی خیبر پختونخوا ذوالفقار حمید کے مطابق دہشت گردوں نے ضلع باجوڑ کے علاقے لوئی ماموند اور ضلع بنوں کے علاقے میریان میں پولیس اسٹیشنز کو نشانہ بنایا، تاہم پولیس جوانوں نے انتہائی بہادری سے مقابلہ کرتے ہوئے دشمن کو پسپا کر دیا۔

آئی جی کا کہنا تھا کہ پولیس حملوں کو نہ صرف روکتی رہی بلکہ دہشت گردوں کا تعاقب بھی جاری رکھا جا رہا ہے تاکہ ان کے نیٹ ورک کا قلع قمع کیا جا سکے۔

واقعے کے بعد انسپکٹر جنرل خیبر پختونخوا نے جرأت اور بہادری کا مظاہرہ کرنے والے پولیس جوانوں کے لیے انعامات کا اعلان کیا ہے، تاکہ ان کی حوصلہ افزائی کی جا سکے۔

پولیس حکام کے مطابق حملوں میں کوئی جانی نقصان نہیں ہوا اور علاقے میں سرچ آپریشن جاری ہے۔

Similar Posts