کراچی میں چینی قونصلیٹ حملہ کیس میں تفتیشی افسر تین ماہ میں کسی ایک بھی گواہ کو پیش نہ کرسکا۔ انسداد دہشت گردی عدالت نے اظہار برہمی کیا اور آئندہ سماعت پر گواہوں کو پیش کرنے کا حکم دے دیا۔
انسداددہشت گردی عدالت میں چائنیز قونصلیٹ حملہ کیس کی سماعت ہوئی۔ تفتیشی افسر گزشتہ 3 ماہ میں ایک بھی گواہ کو پیش نہ کر سکا۔
انسداد دہشت گردی عدالت میں چائنیز قونصلیٹ حملہ کیس کی سماعت کے دوران عدالت نے گواہوں کو پیش نہ کرنے پر سخت برہمی کا اظہار کیا۔ عدالت کا کہنا تھا کہ گواہان کو کیوں پیش نہیں کیا جا رہا؟
عدالت نے آئندہ سماعت پر گواہوں کو پیش کرنے کا حکم دیتے ہوئے کیس کی سماعت کل تک ملتوی کردی۔
پراسیکوشن کا کہنا تھا کہ مقدمہ میں کالعدم بی ایل اے کے کارندے علی حسنین، عبدالطیف سمیت 4 ملزمان گرفتار ہیں، مقدمے میں کالعدم بی ایل اے کے سربراہ حربیار مری سمیت 16 ملزمان اشتہاری ہیں۔
چائینز قونصلیٹ پر نومبر 2018 کو حملہ ہوا تھا، حملے میں 3 دہشت گردوں سمیت 7 افراد جاں بحق ہوگئے تھے، دہشت گردوں کے خلاف سول لائن پولیس نے مقدمہ درج کیا تھا۔