امریکا نے کہا ہے کہ ایران کا آئی اے ای اے کے ساتھ تعاون معطل کرنے کا انتخاب ناقابل قبول ہے۔
امریکی محکمہ خارجہ کی ترجمان ٹیمی بروس نے کہا کہ ایران کی جانب سے اقوام متحدہ کے جوہری نگراں ادارے انٹرنیشنل اٹامک انرجی ایجنسی(آئی اے ای اے) کے ساتھ تعاون کی معطلی ناقابل قبول اور افسوسناک ہے۔
ترجمان نے کہا کہ ایران کو یورینیم افزودگی کے حوالے سے عالمی ایجنسی سے تعاون کرنا ہوگام امریکا کے حملے سے پہلے ایران یورینیم کی افزودگی کررہا تھا۔
ترجمان امریکی خارجہ نے غزہ کی تباہی کا مبلہ حماس پر ڈال دیا، کہا غزہ کی صورتحال کی ذمہ دار حماس ہے ، حماس نے جنگ بندی معاہدے کو متعدد مرتبہ توڑا ۔۔ غزہ میں حالات معمول پر لانے کیلئے حماس کو ہتھیار ڈالنا اور مغوی رہا کرنے ہوں گے،
امریکی ترجمان وزارت خارجہ ٹیمی بروس نے کہا کہ صدر ٹرمپ غزہ میں 60 روزہ جنگ بندی کے لیے پُرامید ہیں تاہم جنگ بندی معاہدے کی تفصیلات بیان نہیں کیں ۔