پاکستان کی مشہور ٹی وی میزبان ندایاسر، جو طویل عرصے سے مارننگ شو کی میزبانی کر رہی ہیں، حال ہی میں اپنے ایک پروگرام میں والدہ کی وفات کے حوالے سے بات کرتے ہوئے آبدیدہ ہو گئیں۔
ندا یاسر کے انسٹاگرام پر 20 لاکھ سے زائد فالوورز ہیں اور وہ ایک کامیاب میزبان، پروڈیوسر اور اداکارہ کے طور پر جانی جاتی ہیں۔
پروگرام میں ندایاسر نے قریبی عزیزوں اور دوستوں کی جدائی کے موضوع پر گفتگو کی، جس میں ان کے مہمان محسن عباس حیدر، میمونہ قدوس اور زینب رضا شامل تھے۔
دورانِ گفتگو جب ندا یاسر نے اپنی والدہ کے انتقال کا ذکر کیا تو وہ خود پر قابو نہ رکھ سکیں اور رونے لگیں۔
انہوں نے کہا،جب میری امی کا انتقال ہوا، میں پاکستان میں نہیں تھی۔ وہ کوویڈ کے دوران فوت ہوئیں اور میں مالدیپ میں تھی۔ جب واپس آئی تو میں روز ان کی وائس نوٹس سن کر روتی تھی۔ یہ میری عادت بن گئی تھی اور اس کا اثر میرے شوہر اور بچوں پر بھی پڑا۔ میں چڑچڑی ہو گئی تھی۔
انہوں نے مزید کہا کہ پھر میں نے خود سے بات کی اور فیصلہ کیا کہ میں وہ وائس نوٹس نہیں سنوں گی۔ وہ آج بھی میرے پاس ہیں، لیکن دوبارہ سننے کی ہمت نہیں ہوتی۔
نیدہ یاسر کی اس جذباتی گفتگو نے ناظرین کو بھی افسردہ کر دیا اور ان کی سچائی اور خلوص نے مداحوں کے دلوں کو چھو لیا۔ سوشل میڈیا پر بھی ان کے حوصلے اور دکھ کے اظہار کو سراہا جا رہا ہے۔
یاد رہے کہندا یاسرکی والدہ اور سابق پی ٹی وی پروڈیوسر فہمیدہ نسرین 74 برس کی عمر میں انتقال کرگئ تھیں۔
وہ پی ٹی وی کے نامور پروڈیوسر کاظم پاشا کی اہلیہ تھیں۔ وہ خود بھی34 سال تک پی ٹی وی سے وابستہ رہیں اور بہت سے یادگار پروگرام کئے۔