وزیراطلاعات پنجاب عظمیٰ بخاری کا کہنا ہے کہ کے پی میں سینیٹ کے ٹکٹ کیلئے پی ٹی آئی ورکرز ہار گئے، نوٹوں کی چمک جیت گئی، خیبرپختونخوا میں سینیٹ کی ٹکٹ کے لیے تحریک انصاف میں بولیاں لگیں، کارکنوں پر اے ٹی ایمز کو ترجیح دی گئی۔
وزیر اطلاعات پنجاب عظمی بخاری نے اپنے بیان میں کہا ہے کہ خیبرپختونخوا میں سینیٹ کی ٹکٹ کیلئے تحریک انصاف میں بولیاں لگیں ہیں، پارٹی ورکرز ہار گئے اور نوٹوں کی چمک جیت گئی ہے۔
عظمٰی بخاری نے کہا کہ تحریک انصاف کے پارٹی رہنماؤں اور کارکنوں نے خود اپنی لیڈرشپ کے پول کھول دئیے ہیں اور بانی پی ٹی آئی بھی اس ہارس ٹریڈنگ میں برابر کا حصہ دار ہے۔
وزیر اطلاعات پنجاب نے کہا کہ ہارس ٹریڈنگ کی مخالف جماعت اس عمل کی سب سے بڑی حمایتی ہے، کارکنوں پر اے ٹی ایمز کو ترجیح دی گئی ہے۔
انھوں نے مزید تنقید کرتے ہوئے کہا کہ تحریک انصاف میں ماریں کھانے کے لیے کارکن اقتدار انجوائے کرنے کے لیے موسمی پرندے رکھے گئے ہیں۔ خیبرپختونخوا میں تحریک انصاف تیزی سے غیرمقبول ہوتی جا رہی ہے۔