امریکی شہر نیویارک کے علاقے مڈٹاؤن مین ہٹن میں ایک مسلح شخص کی فائرنگ سے پولیس افسر دیدار الاسلام سمیت 5 افراد ہلاک ہو گئے، جب کہ فائرنگ کے بعد حملہ آور نے خود کو گولی مار کر کودکشی کرلی۔
رپورٹ کے مطابق واقعہ ایک 634 فٹ بلند عمارت میں پیش آیا جو پارک ایونیو پر واقع ہے۔ اس عمارت میں نیشنل فٹبال لیگ اور بلیک اسٹون کے دفاتر قائم ہیں اور اس کی سیکیورٹی معمول سے زیادہ سخت ہوتی ہے۔
عینی شاہدین کے مطابق ایک شخص لمبی بندوق لے کر عمارت میں داخل ہوا اور لابی میں موجود افراد پر فائرنگ شروع کر دی۔ واقعے میں ایک اور پولیس افسر اور ایک شہری زخمی بھی ہوئے جنہیں کمر میں گولیاں لگیں، تاہم ان کی حالت خطرے سے باہر ہے۔
حکام نے حملہ آور کی شناخت شین تامورا کے طور پر کی ہے جو 27 سالہ نوجوان اور لاس ویگاس کا رہائشی تھا۔
پولیس کمشنر کا کہنا ہے کہ حملہ آور اکیلا تھا جس کا تعلق لاس ویگاس سے تھا۔
پولیس افسر دیدارالاسلام کون تھے؟
سی این این کے مطابق بنگلہ دیشی نژاد ایک امیگریشن کے حامل پولیس افسر تھے جنہیں نیویارک کے مقامی حکام نے ”ہیرو“ قرار دیا۔ فائرنگ کے دوران وہ سیکیورٹی پر مامور تھے جب حملہ آور نے عمارت میں داخل ہو کر اندھا دھند فائرنگ شروع کی۔
مسلمان پولیس افسر کی اہلیہ اور دو جوان بیٹے ہیں۔