امریکی صدر ڈونلڈ ٹرمپ نے کہا ہے کہ وہ چین کے ساتھ معاہدہ کرنا پسند کریں گے۔
امریکی میڈیا رپورٹس کے مطابق صدر ٹرمپ نے کابینہ اجلاس سے خطاب میں کہا چینی صدر شی سے بہترین تعلقات ہیں، اگر چین سے معاہدہ نہیں ہوتا تو ہم وہیں کھڑے ہوں گے جہاں پہلے تھے۔
ٹرمپ کا کہنا تھا کہ امریکہ سے دنیا کے کئی ملک محصولات کے معاملے پر بات چیت کے لیے تیار ہیں۔ دنیا نے تجارت کے معاملے پر ہم سے انصاف نہیں کیا۔
رپورٹ کے مطابق امریکی صدر نے کہا کہ اب سب چیزیں بہتری کی طرف جا رہی ہیں۔ ہم نے مقصد حاصل کر لیا ہے۔
ٹرمپ نے مزید کہا کہ غزہ سے یرغمالیوں کو واپس لانے کے قریب ہیں۔ اسرائیل اور حماس دونوں سے بات چیت کر رہے ہیں۔