ٹریفک قوانین کی خلاف ورزی پر کراچی میں کریک ڈاؤن جاری۔ سات ہزار آٹھ سو ساٹھ موٹر سائیکلیں ضبط کر لی گئں جبکہ فینسی نمبرپلیٹس، کالے شیشے والی چھ سو گاڑیوں کے خلاف ایکشن لیا گیا، ایک سو ترانوے ڈمپرز، ٹینکرز کے چالان بھی کیے گئے۔
وزیراعلیٰ سندھ سید مراد علی شاہ کی ہدایت پر ٹریفک قوانین کی خلاف ورزی پر کریک ڈاؤن جاری ہے، وزیراعلیٰ سندھ کو ٹریفک پولیس کی جانب سے 4 تا 14 اپریل تک کی پیش رفت رپورٹ پیش کی گئی۔
رپورٹ کے مطابق ہیلٹمٹ نہ ہونے اور ٹریفک قوانین کی خلاف ورزی پر پر 7860 موٹرسائیکلز ضبط شدہ کی۔ فینسی نمبر پلیٹس اور کاکے شیشوں کی 596 گاڑیوں کے خلاف کارروائی کی گئی، وزیراعلیٰ سندھ کو آگاہی دی گئی۔
وزیراعلیٰ سندھ کو رپورٹ پیش گئی جس کے مطابق 193 ڈمپر اور ٹینکرز کی فٹنس اور اور اسپیڈ کرنے پر چالان کیا گیا۔
واضح رہے کہ وزیراعلیٰ سندھ نے کمرشل ہیوی ٹرانسپورٹ وہیکلز کی شہر میں رفتار 30 کلومیٹر فی گھنٹہ رکھی ہے۔ ٹریفک پولیس نے 25 بڑی اور چھوٹی گاڑیوں کی فٹنس نہ ہونے پر رجسٹریشن منسوخ کرنے کی سفارش کی ہے جس کے مطابق فٹنس نہ ہونے پر 144 بڑی اور چھوٹی گاڑیوں کی رجسٹریشن عارضی منسوخ کی جائے۔
وزیراعلیٰ سندھ مراد علی شاہ کا کہنا تھا کہ غیر فِٹ اور غیر رجسٹرڈ گاڑیوں کے خلاف زیرو ٹالرنس پالیسی اپنائی جائے، ہیلمٹ کے بغیر موٹرسائیکل چلانے والوں کے خلاف سخت کارروائی کی جائے۔ فینسی نمبر پلیٹس اور کالے شیشے والے تمام خلاف ورزی کرنے والوں کو فوری چالان کیا جائے۔
مراد علی شاہ نے یہ بھی کہا کہ شہر بھر میں ٹریفک قوانین پر عملدرآمد ہر صورت یقینی بنایا جائے، شہریوں کی جان و مال کے تحفظ کے لیے سخت اقدامات جاری رہیں گے۔