اداکارہ کے مطابق ان کا نکاح نومبر 2024 میں مدینہ منورہ میں ہوا تھا، جس کی خبر انہوں نے 27 جنوری 2026 کو اپنے انسٹاگرام پر شیئر کی۔
اعلان کے بعد لائبہ خان نے شادی سے جڑی مختلف تقریبات کی جھلکیاں بھی مداحوں کو دکھائیں، جن میں نکاح فوٹو شوٹ، دعائے خیر، ڈھولکی اور برائیڈل شاور شامل تھے۔
View this post on Instagram
ہر تقریب میں لائبہ خان اپنے دلکش برائیڈل لک میں نظر آئیں جبکہ قریبی دوست اور اہلِ خانہ بھی ان خوشیوں کا حصہ بنے۔
View this post on Instagram
تاہم لائبہ خان نے اپنی سولو تصاویر شیئر کیں اور اپنے شوہر کو مکمل طور پر منظرِ عام پر لانے سے گریز کیا جس سے سوشل میڈیا پر ان کے شوہر سے متعلق قیاس آرائیاں شروع ہو گئیں۔
سوشل میڈیا پر کچھ صارفین نے لائبہ خان پر تنقید بھی کی اور کہا کہ شوہر کی شناخت چھپانے سے غیر ضروری بحث کو جنم دیا گیا۔
بعض افراد نے بے بنیاد دعوے کرتے ہوئے مختلف الزامات بھی لگائے، جبکہ کئی صارفین کا کہنا تھا کہ اداکارہ کو اپنی شادی اس طرح خفیہ رکھنے کی ضرورت نہیں تھی۔
اس تمام تر بحث کے بعد اب لائبہ خان نے انسٹاگرام پر اپنے شوہر کے ساتھ ’ہلدی‘ ایونٹ کی تصاویر شیئر کردی ہیں۔
انہوں نے تنقید کرنے والوں اور مداحوں کے لیے کیپشن میں لکھا کہ ’اب خوش، براہ مہربانی ماشاءاللہ کہہ دو‘۔
View this post on Instagram