ہانیہ عامر کی بھارتی فلم ”سردار جی 3“ مشکلات کا شکار ہوگئی ہے۔
پاکستان کی معروف ترین اداکارہ ہانیہ عامر، جو اس وقت انسٹاگرام پر 18.3 ملین فالوورز کے ساتھ سوشل میڈیا کی مقبول ترین شخصیت مانی جاتی ہیں، حال ہی میں بھارتی پنجابی فلم ”سردار جی 3“ میں کام کرنے کے حوالے سے خبروں کی زینت بنیں۔
پاک بھارت کشیدگی: ہانیہ عامر کی پوسٹ پر مداح سیخ پا
اس فلم میں دلجیت دوسانج اور نیرو باجوا مرکزی کرداروں میں شامل ہیں، جب کہ فلم کی شوٹنگ چند ماہ قبل برطانیہ میں مکمل کی گئی۔
ہانیہ عامر اور ان کے مداح فلم کی ریلیز کے لیے خاصے پرجوش تھے، لیکن پچھلے دنوں پیش آنے والے پہلگام واقعے کے بعد فلم کی ریلیز مشکلات کا شکار ہوگئی ہے۔
’پاکستانیوں کو نکال رہے ہیں تو عدنان سمیع کا کیا ہوگا؟‘ سوال پر گلوکار کو مرچیں لگ گئیں
بھارتی سوشل میڈیا پر فلم کے حوالے سے منفی جذبات سامنے آنے کے بعد یہ قیاس آرائیاں کی جا رہی ہیں کہ فلم پر پابندی لگ سکتی ہے۔
پاکستانی سوشل میڈیا صارفین کی ایک بڑی تعداد اس مبینہ پابندی پر خوشی کا اظہار کر رہی ہے۔ ان کا کہنا ہے کہ پاکستانی فنکار بھارتی مواقع حاصل کرنے کے لیے اپنی عزت نفس داؤ پر لگا دیتے ہیں، اور ہانیہ عامر نے بھی کچھ ایسا ہی کیا۔
ایک صارف نے لکھا:
”افسوس! پہلگام واقعے پر ان کی مذمت بھی کام نہ آئی۔“
ایک اور صارف نے طنزیہ انداز میں کہا:
”بولی وڈ سے متاثر انسٹاگرام ریلز بنانے کا کیا فائدہ ہوا؟“
کئی افراد نے کہا کہ ہانیہ کی بھارت میں قائم پی آر ٹیم بھی اس واقعے کے بعد بے اثر ہو چکی ہے۔
کچھ صارفین نے مزید سخت رویہ اختیار کرتے ہوئے کہا:
”ہانیہ نے پوری قوم کو شرمندہ کیا، اور اب اسی قوم نے ان سے منہ موڑ لیا ہے۔“
اگرچہ ہانیہ عامر نے پہلگام واقعے پر واضح مذمت بھی کی، لیکن اس کے باوجود بھارتی عوام اور انڈسٹری کا رویہ بدلتا ہوا دکھائی دے رہا ہے۔