پاکستان سے بھارت جانے والی سیما حیدر پر کالے جادو کا الزام لگانے والے شخص کو پولیس نے گرفتار کرلیا۔
بھارتی میڈیا رپورٹس کے مطابق ایک شخص پاکستانی شہری سیما حیدر اور ان کے شوہر سچن مینا کے گھر میں زبردستی داخل ہو گیا جس کے بعد ایک بڑا تنازعہ کھڑا ہوا۔
رپورٹ کے مطابق اطلاع ملتے ہی پولیس فوراً موقع پر پہنچ گئی اور ملزم کو گرفتار کر لیا۔
پولیس کے مطابق ملزم کی شناخت تیجس کے نام سے ہوئی ہے، جو گجرات کا رہائشی ہے جو ذہنی بیماری کا شکار ہے۔
پولیس کے مطابق تیجس نے تفتیش کے دوران الزام عائد کیا کہ سیما حیدر اور سچن مینا نے اس پر ”کالا جادو“ کرایا ہے۔
بھارت میں غیرقانونی مقیم سیما حیدر کب وطن واپس آئیں گی؟
ملزم کا مزید کہنا تھا کہ اس جوڑے نے اسے کالا جادو کے ذریعے ربپورہ علاقے کی طرف کھینچ لیا تھا۔
سیما حیدر کون ہیں؟
یاد رہے کہ سیما حیدر کی بھارتی شہری سچن مینا سے پہلی بار گفتگو 2019 میں آن لائن شوٹنگ گیم پب جی پر ہوئی تھی۔
میرے بچوں کی بھارت سےواپسی کے لیے اقدامات کریں، سیما حیدر کے شوہر کی اپیل
جس کے بعد دونوں میں بات چیت کا سلسلہ بڑھتا چلا گیا، پھر محبت ہوئی جس کے بعد سیما حیدر 2023 میں بھارت پہنچی جہاں انہوں نے ہندو مذہب اختیار کر لیا تھا۔
سیما اپنے چار بچوں کے ساتھ 13 مئی 2023 کو نیپال کے راستے بھارت میں داخل ہوگئے تھی، اب سیما بھارت میں سچن کے ساتھ ہی رہائش پذیر ہیں۔