پاکستان اور بنگلہ دیش کے درمیان مجوزہ ٹی ٹوئنٹی سیریز کا شیڈول تبدیل کر دیا گیا ہے۔ پاکستان کرکٹ بورڈ (پی سی بی) نے تبدیل شدہ شیڈول بنگلہ دیش کرکٹ بورڈ (بی سی بی) کو منظوری کے لیے بھجوا دیا ہے۔
ذرائع کے مطابق بنگلہ دیش بورڈ کی منظوری کے بعد نئے شیڈول کا باضابطہ اعلان کیا جائے گا۔ پہلے مرحلے کے تحت مہمان ٹیم کو 21 مئی کو پاکستان پہنچنا تھا تاہم اب بنگلہ دیش کی آمد 23 مئی کو متوقع ہے۔
دوسری جانب بنگلہ دیش نے متحدہ عرب امارات (یو اے ای) کے خلاف پہلے دو کے بجائے تین ٹی ٹوئنٹی میچز کھیلنے کا فیصلہ کیا ہے جس کے باعث سیریز کا شیڈول متاثر ہوا۔
پاکستان اور بنگلہ دیش کے درمیان ٹی ٹوئنٹی سیریز کا شیڈول جاری
تبدیل شدہ مجوزہ شیڈول کے تحت پاکستان اور بنگلہ دیش کے درمیان تین ٹی ٹوئنٹی میچز یکم، 3 اور 5 جون کو لاہور کے قذافی اسٹیڈیم میں کھیلے جائیں گے۔
پی سی بی نے کوچنگ اسٹاف کی تقرری کیلئے اشتہار جاری کر دیا
یاد رہے کہ ابتدائی پلان کے مطابق پانچ میچز پر مشتمل سیریز کے دو میچز فیصل آباد جبکہ تین میچز لاہور میں شیڈول تھے، تاہم اب مختصر شدہ سیریز لاہور میں ہی منعقد ہوگی۔
پی سی بی حکام کا کہنا ہے کہ شیڈول میں تبدیلی باہمی مشاورت سے ہوئی ہے اور حتمی اعلان بنگلہ دیش کرکٹ بورڈ کی منظوری کے بعد کیا جائے گا۔