کوئٹہ میں بڑیچ مارکیٹ کےقریب دھماکا ہوا ہے، دھماکے میں 3 افراد جاں بحق، جبکہ 4 پولیس اہلکاروں سمیت 21 افراد زخمی ہوئے ہیں۔ زخمیوں کو سول اسپتال منتقل کیا گیا ہے۔
پولیس کے مطابق کوئٹہ میں بڑیچ مارکیٹ کے قریب دھماکا ہوا ہے، دھماکے میں 3 افراد جاں بحق ہو گئے، دھماکے میں 21 افراد بھی زخمی ہوئے جنھیں سول اسپتال منتقل کر دیا گیا ہے۔
پولیس کا کہنا ہے کہ زخمیوں میں 4 پولیس اہلکار بھی شامل ہیں۔
پولیس کے مطابق دھماکا سڑک کنارے ہوا، سیکیورٹی فورسز کی گاڑی گزر رہی تھی۔ ریسکیو اور امدادی ٹیمیں جائے وقوع پر پہنچ گئیں۔
بلوچستان میں پھر دہشت گردی؛ گوادر کے علاقے کلمت میں مسلح افراد نے 6 افراد کو قتل کر دیا
پولیس کے مطابق دھماکے کی نوعیت معلوم کر رہے ہیں، دھماکے سے جائے وقوع پر کھڑی موٹرسائیکل میں آگ لگ گئی، دھماکے سے قریب کھڑی گاڑیوں کو بھی نقصان پہنچا۔
سیکیورٹی فورسز نے علاقے کو گھیرے میں لے لیا ہے۔
خیال رہے کہ گذشتہ شب پولیس کے مطابق گوادر کے علاقے کلمت میں نامعلوم مسلح افراد نے بس میں سوار مسافروں کا اتار کر ان پر فائرنگ کر دی۔
فائرنگ کے نتیجے میں 5 افراد موقع پر ہی جاں بحق ہو گئے جبکہ 1 زخمی نے دوران علاج دم توڑ دیا۔
مستونگ میں بھی کار پر فائرنگ سے سی ٹی ڈی اہلکارجاں بحق اور ایک شخص زخمی ہوا۔ لیویز چوکی پر مسلح افراد نے گاڑی کو آگ لگا دی۔
صدرمملکت نے مذمت کرتے ہوئے کہا کہ دہشت گرد ملکی ترقی اور صوبے کی خوشحالی کی دشمن ہیں۔ وزیراعظم شہباز شریف نے کہا کہ شرپسند عناصرکی بزدلانہ کاروائیاں حیوانیت کی عکاسی کرتی ہیں۔
وزیر داخلہ محسن نقوی، وزیراعلٰی بلوچستان و دیگر نے بھی لواحقین سے اظہار ہمدردی کیا۔
اس سے قبل 11 مارچ کو دہشت گردوں نے بولان کے قریب ریلوے ٹریک کو پہلے دھماکے سے اڑایا، دہشت گردوں نے بعد میں جعفر ایکسپریس کو روک کر مسافروں کو یرغمال بنا لیا تھا۔
جعفر ایکسپریس پر حملے کے بعد سیکیورٹی فورسز نے بھرپور طریقے سے آپریشن شروع کیا اور یرغمالیوں کو بازیاب کروا کر وہاں پر موجود تمام دہشت گردوں کو ہلاک کر دیا، ڈی جی آئی ایس پی آر نے بتایا کہ وہاں پر موجود 33 دہشت گردوں کو ہلاک کیا گیا۔
بعد ازاں پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف نے وزیراعلیٰ بلوچستان سرفراز بگٹی کے ہمراہ سانحہ جعفر ایکسپریس کے حوالے سے اہم پریس کانفرنس کی جس میں ڈی جی آئی ایس پی آر نے سانحہ جعفر ایکسپریس آپریشن سے متعلق تفصیلات جاری کیں۔