ایئر انڈیا کی پرواز میں پورا عملہ بزنس کلاس میں سوگیا، مسافر رُل گئے

بھارت کی ائیرلائن ائیر انڈیا میں کیبن کریو ایک ہی وقت میں سوگیا جس کی وجہ سے مسافروں کو شدید مشکلات اٹھانا پڑیں۔

غیر ملکی میڈیا رپورٹس کے مطابق 12ہزار کلومیٹر اور 18گھنٹے سے زائد کی مدت کی ائیر انڈیا کی فلائٹ جو دہلی سے شکاگو جا رہی تھی اس میں تمام کیبن کریو ایک ہی وقت میں سوگیا جس سے صورتحال خراب ہوگئی۔

مسافروں نے شکایت کی کہ دوران پرواز کیبن کریو نے سروس دینا بند کر دی اور جب مسافروں نے خود کریو کی تلاش شروع کی تو حیرت انگیز انکشاف ہوا کہ کیبن کریو بزنس کلاس میں مزے سے خراٹوں بھری نیند لے رہے تھا۔

بھارتی طیارے میں دوران پرواز مسلمان مسافر کی موت

بھارتی ایئرلائن کے کئی ملازمین ایک ساتھ ہی بیمار ہو گئے، کمپنی نے سر جوڑ لیے

ہوابازی سے متعلق حکام کے مطابق ائیر انڈیا جان بوجھ کر بزنس کلاس کی کچھ نشستیں خالی رکھتی ہے تاکہ عملہ آرام کر سکے، لیکن اس بار تمام عملے کا ایک ساتھ سونا حفاظتی اصولوں کی سنگین خلاف ورزی ہے۔

ایوی ایشن حکام کا کہنا ہے کہ اس قسم کے واقعات اکثر ائیر انڈیا میں پیش آتے رہتے ہیں کیونکہ نئی پرائیویٹائز ائیر لائن جان بوجھ کر بزنس کلاس کی کچھ سیٹوں پر بکنگ نہیں کرتی تاکہ ان کا عملہ آرام سے وہاں باری باری سو سکے۔

واضح رہے کہ ائیر انڈیا حال ہی میں پرائیویٹائز ہوئی ہے۔