شاہ رخ خان، بالی وڈ کے بے تاج بادشاہ، ایک معروف اداکار ہونے کے ساتھ ایک تاریخی پس منظر رکھتے ہیں جو کم لوگوں کے علم میں ہے۔
ان کے والد، میر تاج محمد خان، ایک بااثر شخصیت تھے جنہوں نے ہندوستان کی آزادی کی تحریک میں نمایاں کردار ادا کیا۔
پشاور کے قصہ خوانی بازار سے تعلق رکھنے والے میر تاج محمد خان نے 1930 سے 1940 کے درمیان خدائی خدمت گار تحریک میں حصہ لیا، جو خان عبدالغفار خان (باچا خان) کی قیادت میں غیر تشدد پر مبنی آزادی کی جدوجہد کا حصہ تھی۔
”ہمارا کوئی تعلق نہیں ہے“ ابھیجیت کا ایک بار پھر شاہ رخ خان پر طنزیہ وار
تقسیمِ ہند کے بعد، میر تاج محمد خان دہلی منتقل ہو گئے اور وہاں 1957 میں گڑگاؤں سے الیکشن میں حصہ لیا۔
دلچسپ بات یہ ہے کہ اس الیکشن میں انہیں ایک بھی ووٹ حاصل نہ ہوا، کیونکہ ووٹرز نے صرف دو امیدواروں کو ووٹ دیا تھا۔ کانگریس کے مولانا ابوالکلام آزاد اور ایک اور امیدوار۔
مولانا ابوالکلام آزاد، جو اداکار عامر خان کے پردادا تھے، ایک ممتاز مسلم اسکالر اور آزادی کے متحرک رہنما تھے۔
اب، اگر آپ سوچ رہے ہیں کہ مسلم اسکالر اور سینئر سیاسی رہنما، ابوالکلام آزاد عامر خان کے پردادا کیسے تھے، تو آئیے آپ کو بتاتے ہیں۔
عامر کی دادی مولانا آزاد کی بھانجی تھیں۔ اس طرح وہ اداکار کے پردادا بن گئے۔