امریکا میں قدیم لائسنس یافتہ ایمبولینس نے ایک گنیز ورلڈ ریکارڈ اس وقت اپنے نام کیا جب دو افراد نے اسے امریکی ریاست کیلیفورنیا کے شہر ہالی ووڈ سے ریاست فلوریڈا تک 3,200 میل سے زیادہ ڈرائیو کیا۔
1972 کی اس کیڈلاک ایمبولینس نے سائمبیوسس ایمبولینس اور ایکسین کونٹینیونگ ایجوکیشن کی ایک ٹیم کے ساتھ ملک کے ایک سے دوسرے حصے تک یہ سفر ایک ایمرجنسی غیر منفعت بخش میڈیکل سروس کے لیے کیا گیا۔
سفر کرنے والی ٹیم کے مطابق انکا سفر یکم مارچ کو شروع ہو کر گزشتہ پیر کے روز ختم ہوا اور اسکا مقصد ہنگامی طبی خدمات کی تعلیم کی اہمیت کے بارے میں شعور اجاگر کرنا تھا۔
گنیز ورلڈ ریکارڈز کے ایڈجوڈیکٹر (فیصلہ کرنے والے) نے تصدیق کی کہ ایمبولینس نے 3,233 میل تک سفر کر کے ایمبولینس کے طویل ترین سفر کا نیا ریکارڈ قائم کیا ہے۔
ایکسین کنٹینیونگ ایجوکیشن ٹیم نے اپنی مہم کے اختتام پر ہالی وڈ فائر فائٹرز اور ای ایم ایس عملے کے ساتھ ای کے جی ٹریننگ سیشن کا انعقاد کیا۔