ضلع کرم کے صدر مقام پاراچنار میں راستوں کی طویل بندش کے خلاف شٹر ڈاؤن ہڑتال جاری ہے۔ شہر کی تمام دکانیں اور کاروباری مراکز احتجاجاً بند ہیں، جس کے باعث عوام کو روزمرہ ضروریات کی اشیاء کی شدید قلت کا سامنا ہے۔
ٹریڈ یونین کے صدر حاجی امداد حسین کے مطابق یہ ہڑتال طویل عرصے سے جاری راستوں کی بندش کے خلاف کی گئی ہے۔ ان کا کہنا ہے کہ 27 رمضان المبارک کے بعد اب تک ایک بھی گاڑی پاراچنار نہیں پہنچی، جس کی وجہ سے بازار میں تمام اشیائے ضروریہ ختم ہو چکی ہیں۔
وفاقی حکومت صوبے کے آئینی و قانونی حقوق دے، یہ ہمارا حق ہے، علی امین گنڈا پور
ٹریڈ یونین نے خبردار کیا ہے کہ اگر سڑکیں فوری طور پر نہ کھولی گئیں اور ترسیل کی فراہمی بحال نہ کی گئی تو اگلا لائحہ عمل مزید سخت ہوگا۔
ادھر پاراچنار پریس کلب کے سامنے دھرنا بھی 45ویں روز میں داخل ہو گیا ہے۔ دھرنا شرکاء نے واضح کیا ہے کہ ان کے مطالبات کی منظوری تک دھرنا ختم نہیں کیا جائے گا۔
کرک میں عوام اور گیس کمپنی انتظامیہ کے درمیان تصادم، 4 ایف سی اہلکار زخمی
علاقے میں روزمرہ زندگی مفلوج ہو چکی ہے جبکہ شہری شدید پریشانی کا شکار ہیں۔ عوامی حلقوں نے حکومت سے فوری مداخلت کی اپیل کی ہے تاکہ راستے کھولے جائیں اور اشیائے خور و نوش کی ترسیل بحال ہو سکے۔