محکمہ موسمیات کے مطابق ملک کے بیشترعلاقوں میں آج موسم گرم اور خشک رہے گا۔ تاہم کچھ علاقوں میں بارش کی پیشگوئی بھی کی گئی ہے۔
اسلام آباد اور گردونواح میں دن کے اوقات میں موسم گرم اور خشک رہنے کا امکان ہے۔ اسی طرح خیبرپختونخوا کے بیشتر اضلاع میں بھی موسم خشک رہنے کی توقع ظاہر کی گئی ہے۔
پنجاب کے بیشتر اضلاع میں گرمی اور خشکی کا راج رہے گا جبکہ مری، گلیات اور ان کے ملحقہ علاقوں میں تیز ہواؤں اور گرج چمک کے ساتھ بارش کا امکان ہے۔
سندھ کے بیشتر اضلاع شدید گرمی کی لہر کی زد میں رہیں گے، جہاں درجہ حرارت معمول سے 6 سے 8 ڈگری سینٹی گریڈ تک زیادہ رہنے کی پیشگوئی کی گئی ہے۔
بلوچستان کے بیشتر علاقوں میں بھی موسم گرم اور خشک رہنے کا امکان ہے۔
اسکے ساتھ ہی مقبوضہ کشمیر اور گلگت بلتستان میں تیز ہواؤں اور گرج چمک کے ساتھ بارش متوقع ہے۔
محکمہ موسمیات نے شہریوں کو احتیاطی تدابیر اختیار کرنے اور غیر ضروری سفر سے گریز کی ہدایت کی ہے، خاص طور پر اُن علاقوں میں جہاں ژالہ باری یا بارش کی پیشگوئی کی گئی ہے۔