سانحہ جعفر ایکسپریس کے حوالے سے ڈی جی آئی ایس پی آر لیفٹیننٹ جنرل احمد شریف چوہدری آج اہم پریس کانفرنس کریں گے۔
تفصیلات کے مطابق ڈی جی آئی ایس پی آر لیفٹیننٹ جنرل احمد شریف چوہدری اور وزیراعلیٰ بلوچستان سرفراز بگٹی آج سہہ پہر ساڑھے 3 بجے اسلام آباد میں مشترکہ پریس کانفرنس کریں گے، جس میں سانحہ جعفر ایکسپریس اور سیکیورٹی فورسز کے ریسکیو آپریشن پر بریفنگ دی جائے گی۔
پریس کانفرنس کے دوران ڈی جی آئی ایس پی آر اور وزیراعلیٰ بلوچستان جعفر ایکسپریس پر کیے گئے حملے اور ریسکیو آپریشن سے متعلق اہم نکات پیش کریں گے۔
مشترکہ پریس کانفرنس میں جعفر ایکسپریس واقعے کی تحقیقات، سیکیورٹی فورسز کے ردعمل اور مستقبل کے حفاظتی اقدامات پر روشنی ڈالی جائے گی۔
جعفر ایکسپریس واقعے کے حوالے سے عوام کو حقائق سے آگاہ کرنے اور سیکیورٹی کی صورتحال پر تفصیلی معلومات فراہم کرنے کے لیے یہ پریس کانفرنس کی جا رہی ہے۔
واضح رہے کہ گزشتہ روز (11 مارچ) دہشت گردوں نے بولان پاک کے علاقے میں ریلوے ٹریک کو دھماکے سے اڑایا، اور جعفر ایکسپریس پر حملہ کر کے 400 سے زائد مسافروں کو یرغمال بنایا۔
اگرچہ دور دراز علاقے کی وجہ سے مشکلات کا سامنا تھا، سیکیورٹی فورسز نے بتایا تھا کہ انہوں نے ڈھاڈر کے علاقے میں بولان پاس میں یرغمالیوں کو بچانے کے لیے ایک بڑے آپریشن کا کیا تھا، جس میں گزشتہ رات تک کم از کم 16 حملہ آور ہلاک کیے جاچکے تھے۔
جس کے بعد 12 مارچ کو پاک فوج کے شعبہ تعلقات عامہ کے ڈائریکٹر جنرل لیفٹیننٹ جنرل احمد شریف چوہدری نے بتایا تھا کہ جعفر ایکسپریس کے یرغمالی مسافر بازیاب ہوگئے اور تمام 33 دہشت گرد ہلاک کردیے گیا تاہم آپریشن شروع ہونے سے پہلے دہشت گردوں نے 21 شہریوں کو شہید کیا۔