ملک میں کل سے ستائیس اپریل تک گرمی کی ایڈوائزری جاری کردی گئی، این ڈی ایم اے کے مطابق بیشتر شہروں میں موسم خشک اورگرم رہنے کاامکان ہے۔ بلوچستان اور سندھ میں درجہ حرارت زیادہ رہے گا۔ شمالی علاقوں میں موسم ابرآلود رہنے کی پیشگوئی کردی
ملک کے بیشتر حصوں میں موسم خشک اور گرم رہنے کا امکان ہے، این ڈی ایم اے نے 22 تا 27 اپریل کے دوران ملک بھر میں ممکنہ گرمی کی لہر کے حوالے سے ایڈوائزری جاری کر دی۔
این ڈی ایم اے کی ایڈوائزری کے مطابق 22 تا 27 اپریل 2025 کے دوران بلوچستان اور سندھ کے صوبوں میں ہفتے کے دوران موسم خشک اور درجہ حرارت معمول سے کافی زیادہ رہنے کا امکان ہے۔
خیبرپختونخوا، گلگت بلتستان اور آزاد جموں و کشمیر کے بیشتر علاقوں میں بھی موسم گرم رہنے کا امکان ہے۔
کراچی کا پارہ چڑھ گیا؛ گلستان جوہر گرم ترین علاقہ قرار، درجہ حرارت 41 ڈگری جا پہنچا
این ڈی ایم اے ایڈوائزری کے مطابق گلگت بلتستان، آزاد جموں و کشمیرکے مختلف علاقوں اور خیبر پختونخواہ کے چند اضلاع ایبٹ آباد، بنوں، بونیر، چارسدہ، چترال، دیر، ہری پور، کرک، کوہاٹ میں مطلع جزوی ابر آلود رہنے کے ساتھ ساتھ بارش کا امکان ہے۔
ان کے علاوہ کوہستان، خیبر، کرم، مانسہرہ، مہمند، نوشہرہ، پشاور، صوابی، سوات اور وزیرستان میں بھی مطلع جزوی ابر آلود رہنے کے ساتھ ساتھ بارش کا امکان ہے۔