جناح اسپتال کراچی میں ینگ ڈاکٹرز کے دو گروپوں کے درمیان جھگڑے ہوگیا۔ پولیس کی بھاری نفری نے موقع پر پہنچ کر مداخلت کی اور حالات پر قابو پایا۔
پولیس ذرائع کے مطابق جھگڑے کے بعد چند ڈاکٹرز کو حراست میں لے کر تھانے منتقل کیا گیا ہے تاکہ مزید تفتیش کی جا سکے۔ کشیدہ صورتحال کے باعث اسپتال کی او پی ڈیز زبردستی کھلوائی گئیں، تاہم بیشتر ڈاکٹرز نے ڈیوٹی پر واپس آنے سے گریز کیا۔
اسپتال میں موجود مریض اور ان کے تیماردار شدید پریشانی کا شکار رہے اور طویل وقت تک ڈاکٹرز کے انتظار میں بیٹھے رہے۔
پولیس کا کہنا ہے کہ معاملے کی مکمل چھان بین کی جا رہی ہے اور امن و امان کو یقینی بنانے کے لیے اسپتال میں سیکیورٹی سخت کر دی گئی ہے۔