پاک فوج کے شعبہ تعلقات عامہ (آئی ایس آر) کے ڈائریکٹر جنرل (ڈی جی) لیفٹیننٹ جنرل احمد شریف چوہدری آج اہم پریس کانفرنس کریں گے۔
ڈی جی آئی ایس پی آر میجر جنرل احمد شریف چوہدری آج شام ساڑھے 6 بجے میڈیا کو بریفنگ دیں گے، جس میں وہ موجودہ علاقائی اور سکیورٹی صورتحال پر اہم بات چیت کریں گے۔
اپنی پریس بریفنگ کے دوران ڈی جی آئی ایس پی آر پہلگام واقعے کے بعد پاک بھارت کشیدہ صورتحال سے متعلق بھی بات کریں گے۔
پریس بریفنگ میں میجر جنرل احمد شریف چوہدری پاکستان پر عائد کردہ بے بنیاد الزامات کی وضاحت کریں گے، پاکستان کا دو ٹوک مؤقف سامنے رکھا جائے گا اور بھارتی دھمکیوں کا موثر انداز میں جواب دیا جائے گا۔
اہم پریس بریفنگ ایسے موقع پر دی جائے گی جبکہ آج ہی پاک فوج نے لائن آف کنٹرول (ایل او سی) پر بھارتی کواڈ کاپٹر کی فضائی حدود کی خلاف ورزی کو ناکام بناتے ہوئے اسے مار گرایا تھا۔
بھمبر کے علاقے مناور سیکٹر میں دشمن نے کواڈ کاپٹر کے ذریعے جاسوسی کرنے کی کوشش کی تھی، پاک فوج نے بروقت کارروائی کر کے دشمن کی اس مذموم کوشش کو ناکام بنا دیا تھا۔