کیوبا میں جمعہ کی رات بجلی کا نظام مکمل طور پر بیٹھ گیا، جس کے نتیجے میں پورا ملک تاریکی میں ڈوب گیا اور ایک کروڑ سے زائد شہری بجلی سے محروم ہو گئے۔
کیوبا کی وزارت توانائی و معدنیات کے مطابق، ’رات تقریباً 8 بج کر 15 منٹ پر ڈیزمیرو سب اسٹیشن میں ایک خرابی پیدا ہوئی، جس کی وجہ سے ملک کے مغربی حصے میں بجلی کی بڑی مقدار ضائع ہو گئی اور اس کے نتیجے میں قومی بجلی کا نظام فیل ہو گیا۔‘
وزارت نے بتایا کہ بجلی کی بحالی کے لیے کام جاری ہے۔
امریکی حکومت کا 43 ممالک پر سفری پابندی لگانے پر غور، فہرست جاری
سی این این کی جانب سے دارالحکومت ہوانا میں بنائی گئی ویڈیوز میں دیکھا جا سکتا ہے کہ سڑکیں اور عمارتیں مکمل طور پر تاریکی میں ڈوبی ہوئی ہیں، جبکہ لوگ بجلی کے ٹارچ کی مدد سے راستے تلاش کر رہے ہیں۔
یہ واقعہ کیوبا میں بجلی کے نظام کی مسلسل ناکامیوں میں ایک اور اضافہ ہے، جہاں پرانی انفراسٹرکچر، قدرتی آفات اور معاشی بحران نے مشکلات میں مزید اضافہ کر دیا ہے۔
دنیا کا سب سے بڑا کچرے کا پہاڑ کہاں واقع ہے؟
کیوبا کے حکام اس سے قبل بھی توانائی کے شعبے کی تباہی کا ذمہ دار امریکہ کی اقتصادی پابندیوں کو قرار دے چکے ہیں، جو سابق صدر ڈونلڈ ٹرمپ کے دور میں مزید سخت کر دی گئی تھیں۔ تاہم، ناقدین کا کہنا ہے کہ کیوبا کی کمیونسٹ حکومت نے بنیادی ڈھانچے میں مناسب سرمایہ کاری نہیں کی، جس کی وجہ سے یہ بحران شدت اختیار کر گیا ہے۔
گزشتہ اکتوبر میں بھی کیوبا کو تقریباً ایک ہفتے تک شدید بجلی بحران کا سامنا رہا تھا، جب ملک کے بیشتر حصے میں دہائیوں کی بدترین بجلی بندش ہوئی تھی۔