چیچہ وطنی میں پسند کی شادی کرنیوالے جوڑے کو چیچہ وطنی میں غیرت کا نام پر قتل کردیا گیا، پاکپتن میں گھریلو جھگڑے پربیوی نے شوہر کو موت کے گھاٹ اُتار دیا۔
چیچہ وطنی میں پسند کی شادی کرنے والا جوڑا قتل، پولیس کےمطابق فرحان اور شہزادی کو لڑکی کے بھائی نے قتل کیا۔
پولیس کے مطابق ڈسکہ کے رہائشی فرحان احمد گجر نے 5ماہ قبل اپنی ہی برادری کی لڑکی شہزاد ی سے پسند کی شادی کی تھی ، دونوں میاں بیوی آج اپنے رشتہ داروں کو ملنے کیلئے چیچہ وطنی کے گاؤں111، سیون آر آ ئے، تو لڑکی کا بھائی ذوالفقار بھی انکا تعاقب کرتے ہوئے چیچہ وطنی پہنچ گیا اور اندھا دھند فائرنگ کرکے دونوں کو موت کی نیند سلا دیا ۔
پاکپتن میں گھریلو جھگڑے پربیوی نے شوہر کو موت کے گھاٹ اُتار دیا، مقتول اعظم نے نسیم بی بی سے دوسری شادی کی، مقتول کی بیٹی کے مطابق سوتیلی ماں نے بیٹوں سے مل کر اس کے والد کا گلا دبایا۔
ملزم فرار ہونے میں کامیاب ہوگیا،پولیس نے تحصیل ہیڈ کوارٹر اسپتال سے پوسٹمارٹم کے بعد لاشیں تدفین کیلئے لواحقین کے سپر د کردیں۔ پولیس نے مقدمہ درج کرکے ملزم اوراسکے ساتھیوں کی تلاش شروع کردی ہے۔