عالمی اور مقامی مارکیٹوں میں آج سونے کی قیمت میں معمولی کمی دیکھنے میں آئی ہے، جس کے ملک بھر میں مسلسل چوتھے روز بھی سونا 100 سستا ہو گیا۔
تفصیلات کے مطابق کاروباری ہفتے کے پہلے روز ملکی صرافہ مارکیٹوں میں سونے کی قیمتوں میں کمی واقع ہوئی ہے۔
آل پاکستان جیمز اینڈ جیولرز ایسوسی ایشن کے مطابق ملک میں 24 قیراط کا حامل فی تولہ سونے کی قیمت میں 100 روپے کی معمولی کمی ہوئی، جس کے بعد فی تولہ سونا 3 لاکھ 56 ہزار 300 روپے کا ہوگیا۔
اسی طرح 24 قیراط 10 گرام سونا 85 روپے سستا ہو کر 3 لاکھ 5 ہزار 470 روپے کا ہوگیا جبکہ 22 قیراط 10 گرام سونا 2 لاکھ 80 ہزار 14 روپے میں فروخت ہوا۔
تاہم اس کے برعکس فی تولہ چاندی کی قیمت بغیر کسی تبدیلی کے 3ہزار 963 روپے اور 10 گرام چاندی کی قیمت بھی بغیر کسی تبدیلی کے 3ہزار 397روپے کی سطح پر مستحکم رہی۔
دوسری جانب عالمی مارکیٹ میں سونے کی قیمت ایک ڈالر تنزلی سے 3 ہزار 336 ڈالر فی اونس ہو گئی۔
واضح رہے کہ 24 جولائی کو 24 قیراط سونے کی فی تولہ قیمت 5 ہزار 900 روپے تنزلی سے 3 لاکھ 59 ہزار روپے ریکارڈ کی گئی تھی۔
25 جولائی کو 24 قیراط کے حامل فی تولہ خالص سونے کی قیمت 2 ہزار 300 روپے کمی سے 3 لاکھ 56 ہزار 700 روپے ہو گئی تھی۔
اسی طرح 26 جولائی (ہفتہ) 24 قیراط فی تولہ خالص سونے کی قیمت 300 روپے کمی سے 3 لاکھ 56 ہزار 400 روپے ریکارڈ کی گئی تھی۔