گرفتار ساحر حسن کیخلاف منشیات کی اسمگلنگ اور سپلائی کے مقدمے میں کراچی کی مقامی عدالت نے پولیس کا پیش کردہ عبوری چالان منظور کرنے سے انکار کردیا۔
منشیات کی اسمگلنگ اور سپلائی کے مقدمے میں گرفتار ملزم ساحرحسن کو جوڈیشل مجسٹریٹ شرقی کی عدالت میں پیش کیا گیا۔ سماعت کے دوران عدالت نے پولیس کا پیش کردہ عبوری چالان منظورکرنے سے انکار کرتے ہوئے واپس کر دیا۔
سماعت کے دوران عدالت نے کہا کہ ڈسٹرکٹ پراسیکیوٹر شکیل عباسی کے اعتراضات ختم کیے جائیں۔
ملزم ساحرحسن کے تفتیشی افسر نے خاموشی سے عبوری چالان عدالت میں جمع کرایا تھا۔ عبوری چالان میں بازل عاشق نامی ملزم کو مفرور دکھایا گیا ہے۔
منیشات برآمدگی کیس میں گرفتارملزم ساحر نے ضمانت کی درخواست دائر کر دی
پولیس کے عبوری چالان میں ساحرحسن کی چرس اور ویڈ پینے، خریدنے اور پودا کاشت کرنے کا ذکر ہے۔
عدالت نے سماعت کے دوران استفسار کیا کہ ڈسٹرکٹ پراسیکیوٹر شکیل عباسی کے چالان پر اعتراضات کو نظرانداز کیوں کیا، اعتراض کے مطابق عبوری چالان میں منیشات کی رقم وصول کرنے والے ساجد حسن کے مینیجر کا ذکر نہیں۔
اعتراض میں کہا گیا کہ عبوری چالان میں ساحرحسن کے بینک اکاونٹس، شریک ملزموں کا ذکر نہیں، عبوری چالان میں کہیں نہیں لکھا کہ ساحر حسن منشیات کس سے لیتا تھا۔ ساحر حسن منیشات کس کس کو سپلائی کرتا تھا یہ بھی ذکر نہیں۔
تفتیشی افسر نے ایک ملزم یحیی کا نام کالم نمبر2 میں رکھا کہ اس کے خلاف ثبوت نہیں، پولیس نے19مارچ کوعبوری چالان پیش کیا تھا۔
واضح رہے کہ رواں برس فروری میں پولیس حکام کے مطابق تفتیشی ٹیم نے ڈیفنس کے مختلف علاقوں میں کارروائیاں کرتے ہوئے معروف ٹی وی اداکار ساجد حسن کے بیٹے ساحر حسن سمیت 4 نوجوانوں کو گرفتارکیا تھا۔
حکام نے بتایا کہ منشیات فروخت کرنے، خریدنے اور استعمال کرنیوالوں کیخلاف آپریشن کے دوران ساجد حسن کے بیٹے سے منشیات بھی برآمد ہوئی تھی۔