بلوچستان سے 17 روز سے معطل ٹرین کا رابطہ بالآخر بحال ہوگیا۔ جعفر ایکسپریس کی بحالی کے بعد پہلی ٹرین کوئٹہ سے پشاور کے لئے روانہ ہوگئی۔ رکن صوبائی اسمبلی جمال شاہ کاکڑ نے ٹرین کو رخصت کیا۔
کوئٹہ سے پشاور کینٹ کیلئے جعفر ایکسپریس 17 روز بعد روانہ کی گئی۔ 10 بوگیوں پر مشتمل ٹرین میں 400 مسافر اپنی منزل کی جانب روانہ ہوئے ہیں۔ جبکہ پشاور سے روانہ ہونے والی جعفر ایکسپریس کوئٹہ کی جانب محوِ سفر ہے۔
جعفر ایکسپریس پر حملے کا مقدمہ درج، کون سی دفعات لگائی گئیں
16 روز سے معطل رہنے والی ٹرین 280 مسافروں کو لے کر جعفر ایکسپریس کوئٹہ کی جانب روانہ ہوئی تھی۔ وفاقی وزیر امیر مقام نے پشاور سے ٹرین کو روانہ کیا۔
ملتان ریلوے اسٹیشن پر آج نیوز سے گفتگو میں مسافروں نے اپنے ٹرین کے سفر کو خوشگوار قرار دیتے ہوئے کہا کہ ملک سے دہشت گردی کا جڑ سے مکمل طور پر خاتمہ ہونا چاہیے۔
جعفر ایکسپریس حملے کے متاثرین سے اظہار یکجہتی کیلئے ایئر یونیورسٹی کی جانب سے امن واک کا انعقاد
واضح رہے کہ 11 مارچ کو کالعدم بی ایل اے نے جعفر ایکسپریس پر حملہ کرکے مسافروں کو یرغمال بنالیا تھا، سیکیورٹی فورسز نے 2 روز آپریشن کرکے تمام دہشت گردوں کو ہلاک کر دیا گیا۔