اسلام آباد میں ڈمپر الٹنے سے کئی گاڑیاں دب گئیں نتیجے میں 4 افراد جاں بحق اور 3 زخمی ہوگئے۔
تفصیلات کے مطابق افسوسناک ٹریفک حادثہ اسلام آباد راولپندی کے سنگم آئی جے پی روڈ پر پیش آیا، جس میں ڈمپر گاڑیوں پر الٹ گیا جے کے باعث گاڑیوں میں موجود 4 افراد جاں بحق اور 3 زخمی ہوگئے۔
حادثے کی اطلاع ملتے ہی امدادی ادارے اور پولیس وہاں پہنچ گئے اور لاشوں اور زخمیوں کو فوری طور پر اسپتال منتقل کیا۔
دوسری جانب اسلام آباد کے تھانہ سبزی منڈی کی حدود میں افسوسناک ٹریفک حادثے کی اطلاع ملتے ہی ڈپٹی کمشنر (ڈی سی) اسلام آباد اور چیف ٹریفک آفیسر (سی ٹی او) موقع پر پہنچ گئے۔
کراچی: تیز رفتار ٹرالر نے پریکٹیکل دے کر واپس آنے والے 15 سالہ بچے کو کچل دیا
ترجمان کے مطابق حادثے میں مجموعی طور پر 4 افراد جاں بحق اور 4 زخمی ہوئے، جاں بحق افراد میں 3 مرد اور ایک لڑکی شامل ہے، حادثہ اس وقت پیش آیا جب ریت سے بھرا ڈمپر ٹائر پھٹنے کے باعث بے قابو ہو کر رکشے پر جا گرا، جس کے نتیجے میں رکشے میں سوار مسافر ڈمپر کے نیچے دب گئے جبکہ واقعے میں زخمی ہونے والے افراد کو فوری طور پر قریبی اسپتال منتقل کردیا گیا ہے۔
ڈی سی اسلام آباد کے مطابق فرار ہونے والے ڈمپر ڈرائیور کو جلد گرفتار کرلیا جائے گا جبکہ سی ٹی او نے بتایا کہ ڈمپر کو ہٹا کر ٹریفک کی روانی بحال کی جا رہی ہے۔
اس افسوسناک حادثے پر شہریوں نے افسوس کا اظہار کرتے ہوئے متعلقہ حکام سے سڑکوں پر ہیوی ٹریفک کے لیے مزید سخت حفاظتی اقدامات کرنے کا مطالبہ کیا ہے۔