شانگلہ میں افسوسناک ٹریفک حادثہ، چار افراد جاں بحق، ایک زخمی

0 minutes, 0 seconds Read

شانگلہ کی تحصیل آلپوری کے علاقے مٹہ اعوان میں افسوسناک ٹریفک حادثہ پیش آیا، جہاں ایک گاڑی ڈرائیور کے قابو سے باہر ہو کر گہری کھائی میں جاگری۔ حادثے کے نتیجے میں چار افراد موقع پر ہی جاں بحق ہو گئے جبکہ ایک شخص زخمی ہوا۔

ریسکیو 1122 کے مطابق حادثے کے فوراً بعد امدادی ٹیمیں موقع پر پہنچ گئیں۔ زخمی کو ابتدائی طبی امداد دینے کے بعد ڈسٹرکٹ ہیڈکوارٹر اسپتال آلپوری منتقل کر دیا گیا ہے۔

ریسکیو حکام کے مطابق جاں بحق افراد کا تعلق صوبہ پنجاب کے شہر ملتان سے ہے۔ حادثے کی وجوہات جاننے کے لیے مزید تفتیش جاری ہے۔

Similar Posts