پی ٹی آئی خیبرپختونخوا کے صدر جنید اکبر نے کہا ہے کہ پارٹی کی سنئیر قیادت نے وزیراعلیٰ علی امین گنڈاپور کے میڈیا بیانات پر نوٹس لیا ہے۔
جنید اکبر نے پشاور میں احتجاجی کیمپ میں میڈیا سے گفتگو کرتے ہوئے کہا کہ دنوں فریقین کو صبر و تحمل کا کہا گیا ہے، سیاسی کمیٹی معاملے کو جلد حل کرلے گی۔
صوبائی صدر نے کہا کہ میرا اور وزیر اعلیٰ کا اختلاف تھا، لیکن بانی چیئرمین نے کال دی تو ہم اکھٹے ہوگئے۔ اگلے ہفتے کے پی کے مختلف اضلاع میں احتجاج کرینگے۔
جنید اکبر کا انکشاف: پی ٹی آئی کے 90 فیصد عہدیداروں نے صوابی جلسے سے متعلق غلط معلومات شیئر کیں
جنید اکبر نے کہا کہ کارکن علی امین گنڈاپور،اسد قیصر یا میرے ساتھ جڑے نہیں، کارکن بانی چیئرمین کے ساتھ ہیں۔
انہوں نے مزید کہا کہ میں وزیراعلیٰ کے وکٹ کے دونوں طرف کھیلنے پر تبصرہ نہیں کرونگا، اللہ تعالیٰ کو پتہ ہوگا کہ وزیر اعلیٰ کیا کررہے ہیں۔
جنید اکبر کے ’بھائیوں‘ پر غریب آدمی کو مارنے کا الزام، حقائق کیا ہیں؟
جنید اکبر نے کہا کہ کارکن و رہنما ایک پیج پر ہوکر بانی چیئرمین کی رہائی کےلئے کوشش کریں، اگلے ہفتے خیبر پختونخوا کے مختلف اضلاع میں احتجاج کرینگے۔
صوبائی صدر پی ٹی آئی گفتگو کرتے ہوئے مزید کہا کہ دوسری پارٹیوں میں سیاسی نوکر ہوتے ہیں پی ٹی آئی میں سیاسی ورکر ہیں۔
انہوں نے کہا کہ وزیراعلیٰ علی امین گنڈاپور کو ہٹانے کی کوئی بات نہیں، انہیں بانی چیئرمین نے وزیر اعلی بنایا ہے۔
ان کا کہنا تھا کہ ہم مسلسل حالت جنگ میں ہے، وفاقی قیادت روزانہ عدالتوں کے چکر میں ہیں۔