کراچی سمیت ملک بھر کے مختلف شہروں میں فلسطین کی حق میں احتجاجی ریلیاں نکالی گئیں،احتجاجی ریلیوں میں بچے بوڑھے مرد وخواتین نے بھرپور شرکت کی۔
کراچی میں مظلوم فلسطینیوں سے اظہار یک جہتی کے لئے تاجر برادری نے احتجاجی ہڑتال کی، شہر کے تمام بڑے بازار مکمل بند رہے، تاجروں نے اسرائیلی مصنوعات کے بائیکاٹ کا مطالبہ کردیا۔
تاجروں کا کہنا تھا کہ غزہ کے مظلومین سے اظہار یکہتی کے لئے کاروبار بند کیا ہے ،تاجروں نے مختلف بازاروں میں احتجاج کیا اور فلسطین کے حق میں نعرے لگائے۔
تاجروں کا کہنا تھا کہ فلسطین میں معصوم بچوں سمیت ہزاروں افراد کو شہید کردیا گیا، انھوں نے مطالبہ کیا کہ سرائیلی مصنوعات کا بائیکاٹ کیا جائے
کراچی موبائیل اینڈ الیکٹرانکس ڈیلر ایسوسی ایشن اور آل پاکستان جیولز ایسوسی ایشن کے رہنماوں رضوان عرفان اور جمیل پراچہ نے سیاسی پارٹیوں کے ہمراہ بھی اپنا احتجاج ریکارڈ کرایا۔
مظاہرے میں پاکستان مرکزی مسلم لیگ ،تحریک لبیک پاکستان ، پی ٹی آئی کے رہنماء بھی شریک ہوئے،
تاجروں کی ہڑتال کے باعث بولٹن مارکیٹ، جوڑیا بازار، میڈیسن مارکیٹ، صرافہ بازار،موبائل مارکیٹ اور طارق روڈ ،جوڑیا بازار، میڈیسن مارکیٹ، کاغذی بازار، میٹھا دار، صرافہ بازار بند رہیں، اولڈ سٹی ایریا موبائل اینڈ الیکٹرانکس مارکیٹ، طارق روڈ، بھورا پیرمیں ہڑتال، اسٹیل مارکیٹ ایسوسی ایشن کی ہڑتال کی حمایت،مارکیٹ بند رہی۔
لاہور میںٰ پاکستان مرکزی مسلم لیگ لاہورکےزیر اہتمام اسرائیلی کی عہد شکنی اور غزہ کے مظلوم مسلمانوں پر سربیت کیخلاف پریس کلب باہر احتجاجی مظاہرہ کیا گیا۔
مظاہرہ میں ہر شعبہ ہائےزندگی سے تعلق رکھنے والے ہزاروں افراد نے شرکت کی۔ شرکاء نےہاتھوں میں پلے کارڈ اور فلسطینی پرچم تھام رکھےتھے۔ جس پر اسرائیل مخالف اور غزہ سے اظہار یکجہتی کے جملے درج کیے گئے تھے۔
احتجاجی مظاہرے سے مرکزی مسلم لیگ کے رہنماوں نے خطاب کیا ۔حافظ طلحہ سعید نے خطاب کرتےہوئے کہا کہ اسرائیل کی عہد شکنی نے ایک بار پھر ثابت کر دیا ہے کہ یہ جارح ریاست امن کی کسی بھی کوشش کو سبوتاژ کرنے کے درپے ہے۔
اگر عالم اسلام نے اب بھی فلسطینیوں کے حق میں عملی اقدامات نہ کیے تو مشرق وسطیٰ میں امن کا خواب کبھی پورا نہیں ہوگا۔ اقوام متحدہ اور انسانی حقوق کے علمبردار نام نہاد عالمی ادارے خاموش تماشائی بنے ہوئے ہیں۔
پشاور میں پاکستان مرکزی مسلم لیگ کا فلسطین کے مظلوم عوام کے حق میں احتجاجی مظاہرہ فلطسین کے حق میں اور اسرائیلی جارحیت کے خلاف احتجاجی ریلی نکالی گئی۔ فوارہ چوک صدر سے پشاور پریس کلب تک احتجاجی ریلی پشاور پریس کلب پہنچی، ریلی کی قیادت مرکزی مسلم لیگ کے صوبائی صدر عاف اللہ خٹک ، جنوبی پختونخوا کے صدر یاور آفتاب، جنرل سیکرٹری پشاور انعام اللہ جے یو آئی (س) کے رہنماء یوسف شاہ ، چیف خطیب طیب قریشی کر رہے تھے۔
مظاہرین نے فلسطینی عوام کے حق میں بینرز اٹھا رکھے تھے۔ ریلی سے خطاب کرتے ہوئے مرکزی مسلم لیگ کے صوبائی صدر کا کہنا تھا کہ اسرائیل ایک ناجائز ریاست ہے، کسی صورت قبول نہیں کریں گے، رمضان اورعید کے ایام میں اسرائیل نے نہتے فلسطینیوں کو شہید کیا۔
مظاہرین کا کہنا تھا کہ اسرائیل نے مقدس ایام میں معاہدوں کی خلاف ورزی کی، اسرائیل نے ایسی کوئی ٹیکنالوجی نہیں چھوڑی جو فلسطین کیخلاف استعمال نہ کی ہو، صوبائی صدر کا کہنا تھا کہ انسانیت کے علمبردار اور مسلم امہ کے حکمرانوں کی خاموشی پر افسوس ہے، حکومت پاکستان فلسطین کے حق میں کھڑی ہو کر امت مسلمہ کی قیادت کرے۔
ملتان میں پریس کلب کے سامنے پاکستان مرکزی مسلم لیگ کے زیر اہتمام فلسطینیوں سے اظہار یکجہتی کا مظاہرہ کیا گیا۔
اسرائیلی بربریت اور عہد شکنی کے خلاف شدید احتجاج، شرکاء کا عالمی برادری سے نوٹس لینے کا مطالبہ کیا۔
پاکستان مرکزی مسلم لیگ کا احتجاجی مظاہرہ، مظلوم فلسطینی عوام کے حق میں نعرے بازی،،، مظاہرین کے ہاتھوں میں فلسطینی پرچم، اسرائیل مخالف بینرز اور پلے کارڈز اٹھا رکھے تھے۔ مسلم حکمران اور عالمی ادارے فوری کردار ادا کریں۔
پاکستان مرکزی مسلم لیگ کے رہنماؤں نے اعلان کیا کہ فلسطین کے حق میں تحریک جاری رہے گی۔ شہریوں کی بڑی تعداد میں شرکت، پاکستان فلسطینیوں کے ساتھ ہے کے نعرے گونجتے رہے۔ اسرائیلی مظالم کے خلاف مذمتی قرارداد منظورکی گئی۔
ننکانہ صاحب میں ڈسٹرکٹ بار ایسوسی ایشن ننکانہ صاحب نے فلسطینی شہری آبادیوں پر اسراٸیلی حملوں اور بے گناہ شہریوں کی شہادت پر مکمل ہڑتال کی اور عدالتی امور کا باٸیکاٹ کیا وکلاء نے احتجاجا تمام عدالتی امور کا باٸیکاٹ کیا، ڈسٹرکٹ بار ایسوسی ایشن کے عہدیدران نے نہتے فلسطینیوں پر اسراٸیلی مظالم کی شدید الفاظ میں مذمت کرتے ہوٸے اقوام متحدہ سے فوری نوٹس لینے اور فریقین کے مابین جنگ بندی کے معاہدے پر مکمل عمل درآمد کروانے کا مطالبہ کیا۔