نارتھ کراچی سیکٹر فائیو سی ون میں راہ چلتی خاتون کے دست درازی کا ایک اور شرمناک واقعہ سامنے آیا ہے، فوٹیج میں دیکھا جاسکتا ہے کہ بچوں کے ساتھ گلی سے گزرتی خاتون کو موٹرسائیکل سوار کی دست درازی کی ، واقعے کی سی سی ٹی وی فوٹیج آج نیوز کو موصول ہوگئی۔
تفصیلات کے مطابق نارتھ کراچی سیکٹر فائیو سی ون میں راہ چلتی خاتون کے دست درازی کا ایک اور واقعہ رونما ہوا۔ آج نیوز کو موصول سی سی ٹی فوٹیج کے مطابق بچوں کے ساتھ گلی سے گزرتی خاتون کو موٹرسائیکل سوار نے دست درازی کی۔
واقعے کی سی سی ٹی وی فوٹیج کے مطابق موٹر سائیکل سوار شخص نے خاتون کو گلی سے گزرتے ہوئے دیکھا، ویڈیو میں موٹر سائیکل سوار شخص کو خاتون سے دست درازی کرتے دیکھا جاسکتا ہے۔
آج نیوز کو موصول ویڈیو کے مطابق دست درازی کے بعد ملزم تیزی سے فرار ہو گیا، فوٹیج میں خاتون کو ملزم کے پیچھے بھاگتے ہوئے بھی دیکھا جا سکتا ہے۔
پولیس کا کہنا ہے کہ دست درازی کا واقعہ 4 اپریل کو پیش آیا تھا، پولیس سے کسی نے بھی رابطہ نہیں کیا۔