پی سی بی کے چیئرمین محسن نقوی نےمسلسل پانچ میچ جیت کر آئی سی سی ویمنز ورلڈ کپ کے لیے کوالیفائی کرنے پر کھلاڑیوں کو مبارکباد دی اور کہا کہ متحد ہو کر کسی بھی سطح سے کھیلنے سے ہی فتوحات ملتی ہیں۔
لاہورمیں میڈیا سے گفتگو کرتے ہوئے انہوں نے کہا کہ ویمنز کھلاڑیوں کو انعامات سے نوازا جائے گا جبکہ عاقب جاوید عارضی کوچ تھے ان کی جگہ نئے ہیڈ کوچ کا فیصلہ اگلے ہفتے کیا جائے گا۔
انہوں نے کہا کہ پاکستانی ویمنزٹیم اپنےمیچزنیوٹرل ویونیو پرکھیلےگی، نیوٹرل ویونیو کا فیصلہ بھارت نے کرنا ہے۔
چیئرمین پی سی بی محسن نقوی نے پاکستان ٹیم پر تنقید نہ کرنے کا مشورہ دے دیا
چیئرمین پی سی بی کا بلائنڈ کرکٹ ٹیم کیلئے ایک کروڑ روپے انعام کا اعلان
پی سی بی کے چیئرمین محسن نقوی نے کہا کہ چھوٹی چھوٹی تبدیلیاں ہوتی ہیں تو پھر ایک ٹریک پرآتے ہیں، انڈر 19 شاہین اورقومی ٹیم کےبھی اچھے نتائج آنا شروع ہوجائیں گے۔
انہوں نے مزید کہا کہ قومی ٹیم کےکوچ کےحوالےسے آئندہ ہفتے فیصلہ ہوگا، عاقب جاوید کو کوچنگ کی زمہ داری سنبھالنےکی درخواست کی تھی، وویمن کرکٹ کےکچھ منصوبوں پر کام کر رہے، عوام کو جلد آگاہ کریں گے۔