رمضان المبارک کے دوران مہنگائی میں مسلسل اضافہ ہو رہا ہے اور اس دوران کئی اشیا مزید مہنگی ہو گئی ہیں۔
وفاقی ادارہ شماریات نے ہفتہ وار مہنگائی کے اعدادوشمار جاری کردئیے، جس کے مطابق مہنگائی کی شرح 0.22 فیصد مزید بڑھ گئی، جبکہ مسلسل پندرہویں ہفتے بھی چینی کی قیمت میں اضافہ مزید 9 روپے26 پیسے فی کلو تک مہنگی ہوگئی۔
ماہ صیام کے دوسرے ہفتے بھی مہنگائی کی شرح میں معمولی اضافہ ہوا، ایک ہفتے میں 12 اشیاء ضروریہ کی قیمتیں بڑھ گئی ہیں۔
ایک ہفتے کے دوران 17 اشیائے ضروریہ کی قیمتوں میں اضافہ
ادارہ شماریات کے مطابق ملک میں چینی کی قیمتوں میں اضافے کا سلسلہ جاری ہے، ایک ہفتے میں ٹماٹر 21 روپے37 پیسے، برائلر مرغی 30 روپے 64 پیسے اور بیف 6 روپے فی کلو تک مہنگا ہوا، کیلے کی قیمت میں 12 روپے 18 پیسے فی درجن اضافہ ہوا، ایل پی جی کے گھریلو سلنڈر کی قیمت بھی 46 روپے19 پیسے بڑھی۔
مہنگائی کی شرح میں ہفتہ وار بنیادوں پر معمولی کمی ریکارڈ
رپورٹ کے مطابق ایک ہفتے میں 15 اشیاء سستی، 24 اشیاء کی قیمتیں مستحکم بھی رہیں، حالیہ ہفتے پیازکی فی کلو قیمت میں 13 روپے 97 پیسے، آلو 5روپے 16 پیسے فی کلو اور لہسن کی قیمت میں 35 روپے63 پیسے فی کلو کمی آئی ہے۔
ایک ہفتے میں دال چنا 6 روپے، دال ماش 2 روپے 28 پیسے فی کلو سستی ہوئی ہے، جبکہ انڈے، دال مسور، چاول، خوردنی تیل اور گھی بھی سستی ہونے والی اشیاء میں شامل ہیں۔