سرگودھا کے نجی اسپتال میں ڈاکٹروں کی مبینہ غفلت اور غیر ذمہ داری کے باعث 25 سالہ خاتون پروین دورانِ آپریشن جاں بحق ہو گئی۔
تفصیلات کے مطابق پروین کو طبیعت خراب ہونے پر فوری طور پر سرگودھا کے ایک نجی اسپتال لایا گیا جہاں لیڈی ڈاکٹر نے آپریشن تجویز کیا۔
ورثا کا کہنا ہے کہ آپریشن کے دوران ہی خاتون دم توڑ گئی تاہم ڈاکٹروں نے موت کی اطلاع دینے کے بجائے مہنگے انجکشن تجویز کر کے لواحقین سے منگواتے رہے۔
مریضہ کی موت کا علم ہونے پر جب ورثا نے احتجاج کیا تو اسپتال کا سارا عملہ، بشمول ڈاکٹرز، اسپتال سے غائب ہو گیا۔ متاثرہ خاندان نے واقعے کو سنگین غفلت اور دھوکا دہی قرار دیتے ہوئے اعلیٰ حکام سے فوری نوٹس اور ذمہ داران کے خلاف کارروائی کا مطالبہ کیا ہے۔
نوشہرہ : پبی اسپتال میں مریض کے علاج میں مجرمانہ غفلت، ڈاکٹر اور نرسز سمیت 5 افراد معطل
ابھی تک پولیس یا محکمہ صحت کی جانب سے کوئی باضابطہ بیان سامنے نہیں آیا تاہم واقعے نے شہر بھر میں غم و غصے کی فضا پیدا کر دی ہے، اور شہری حلقے نجی اسپتالوں کے غیر ذمہ دارانہ رویے پر سوال اٹھا رہے ہیں۔