حکومت کی کوشش ہے کہ بانی سے ملاقات کو روکا جائے، رہنما تحریک انصاف

**اپوزیشن لیڈر اور تحریک انصاف کے رہنما عمر ایوب کا کہنا ہے کہ بانی پی ٹی آئی سے ملاقات نہیں ہونے دی جارہی ۔ان کا کہنا تھا کہ حکومت کی کوشش ہے کہ بانی پی ٹی آئی سے ملاقات کو روکا جائے۔

اپوزیشن لیڈر اور تحریک انصاف کے رہنما عمر ایوب نے اے ٹی سی راولپنڈی کے باہر میڈیا سے گفتگو کرتے ہوئے اہم امور پر تبصرہ کیا۔ عمر ایوب نے کہا کہ توشہ خانہ ٹو کیس کی سماعت بھی آج ملتوی کر دی گئی ہے۔فرد جرم عائد کرنے کے لیے ضروری دستاویزات فراہم کی گئی ہیں۔

عمر ایوب نے وزیر اعظم شہباز شریف پر سخت تنقید کرتے ہوئے کہا کہ شہباز شریف بزدل وزیراعظم ہیں اور انہوں نے ہتھیار ڈال دیے ہیں۔ ان کا کہنا تھا کہ شہباز شریف کو دوٹوک بتانا چاہیے کہ اگر بھارت کی جانب سے حملہ کیا گیا تو پاکستان زمینی اور فضائی حملے کرے گا۔

بانی پی ٹی آئی سے ملاقات کا دن، پارٹی رہنماؤں اور فیملی ممبران کو ناکوں پر روک دیا گیا

عمر ایوب نے یوکرین کے حوالے سے بھی سخت موقف اپنایا۔ انہوں نے کہا کہ شہباز شریف نے امریکہ کے کہنے پر یوکرین کو گولہ بارود فروخت کیا۔ ان کا کہنا تھا کہ یہ کٹ پتلی حکومت ہے، اور اب ان کی کانپیں ٹانگ رہی ہیں۔

عمر ایوب نے کہا کہ زرداری نے خود سندھ کا پانی فروخت کیا ہے۔ انہوں نے مزید کہا کہ ملک میں افراتفری کی صورتحال ہے اور ساڑھے پانچ سو ارب روپے کا ایرانی پیٹرول اسمگل ہو رہا ہے۔

بانی پی ٹی آئی سے ملاقات نہ کرانے پرعلیمہ خان کی توہین عدالت کی درخواست دائر

عمر ایوب نے مزید کہا کہ بلوچستان کے حالات انتہائی خراب ہیں ۔ جعفر ایکسپریس کے سانحے کو بھی انٹیلی جنس کی ناکامی قرار دیتے ہوئے کہا کہ یہ واقعہ انٹیلی جنس فیلئر تھا۔